अगिंमथलय् सिजं पाै तइगु

अगिंमथलय् सिजं पाै तइगु

मंसिर १५ - यलया ऐतिहासिक अगिंमथलय् जस्ताया पौ लिकया सिजंया पौ तइगु जुगु दु। विश्वसम्पदाय् दुथ्याकेगु पहल यायेत समस्या जुसेलिइ यल  महानगरपालिकां पौ हिलेत्यगु खः ।

देगयात ल्वयेकं सिजं पौ तयेत महानगरपालिकां ४० लख तका बजेट फ्यागु दु।

पौ हिलेगु लागि सोमबाः सुथय् अगिंमथलय् विश्वकर्मा पूजा याना  अग्निहोत्र पं. विष्णुमोहनधर राजोपाध्याय, यल महानगरपालिकाया मेयर चिरीबाबु महर्जन व अग्निशाला व्यवस्थापन समितिया अध्यक्ष निगेन्द्रराज शर्मां सङ्कल्प यानादिगु खः ।

देगःया बुसाधँया झ्वलय्  पौ हिलेत क्षमापूजालिसें १० द्वः होम याःगु खः। दँय् दसं सकिमिला पुन्हि खुन्हू अगंमथया बुसादँ याइगु परम्परा दु।

स्वनिगलय् बस्ती च्वनेन्हय् निसें हे थन न्हिच्छि चच्छि मदिक्क  होम जुयावयाच्वंगु दु।