क्यानाडाय् जागिर चुलाकाबिइ धासें लखाैतका ठगी यापिं निम्हसित ज्वन

क्यानाडाय् जागिर चुलाकाबिइ धासें लखाैतका ठगी यापिं निम्हसित ज्वन


असोज ११ -  क्यानाडाय् 'फूड प्याकेजिङ' या ज्या चुलाकाबिइ धासें लखौँ तका ठगी याःगु द्पनय् प्रहरीइ २ म्हसित ज्वंगु दु। मोरङया नगेन्द्र विश्वकर्मा व प्रवेज आलमयात आइतबाः ज्वंगु महानगरीय अपराध महाशाखां धागु दु।

महाशाखाया कथं क्यानाडाय् जागिर चुलाका बिइ धासें झापा छेँय् जुया येँय् च्वनिम्ह आशिष काफ्लेपाखें ३ लख तका कयाः ठगी याःगु द्पनय् विश्वकर्मा व आलमयात ज्वंगु खः। पीडितया उजुरीलिपा निम्हसित मोरङया उर्लाबारीइ दुगु काबेली रेमिटपाखें धिबाः लिकयाच्वंगु अवस्थाय् ज्वगु खः।

इमिसं ‘क्यारिर अपर्चुनिटी इन ईडेन सोलुशन क्यानडा’ नांया फेसबुक पेज दयेकाः उकिया मार्फत थपिनिगु सम्पर्कय् वइपिन्त लोभ क्यनाः ठगी याःगु लूगु प्रहरीइ धागु दु। विज्ञापनय् ह्वाट्सअप नम्बर तयाः थीथी मनूतय्गु नामय् आईएमईलय् धिबाः छ्वयेकेबियाः ठगी यानाच्वंगु लूगु प्रहरीइ धागु दु।

प्रहरीया कथं लिपांगु इलय् खाडी देशलिसें युराेपेली देश लगायत अमेरिका, क्यानाडा नं  जागिर चुलाका बिइ धासें यक्व धिबाः कयाः ठगी यानाच्वंगु दु। विदेशय् बालांगु ज्या दइगु लाेभय् सुयात नं धिबाः बिइ न्हय् बालाक्क बुझे यानाः सचेत जुया जक धिबाः बिइत प्रहरीइ इनाप याःगु दु।