रुकुमपश्चिम व रुपन्देहीया देवदहलय् जुगु घटनाबारे राष्ट्रसंघया च्यूता

रुकुमपश्चिम व रुपन्देहीया देवदहलय् जुगु घटनाबारे राष्ट्रसंघया च्यूता

जेठ १७ - संयुक्त राष्ट्रसंघं रुकुम पश्चिमय् जुगु घटनायात कया गम्भीर च्यूता प्वकुगु दु ।

राष्ट्रसंघ अन्तर्गतया मानव अधिकार उच्चायुक्तया ज्याकु ओएचसीएचआरं रुकुम पश्चिमय् दलित ल्याम्हतयत जुगु सामूहिक आक्रमण व रुपन्देहीया देवदहलय् मिसायात स्यागु घटनायात कया च्यूता प्वकुगु खः। अथेहे ओएचसीएचआरं रुकुम पश्चिमय् ५ म्ह व रुपन्देहीया देवदहलय् छम्ह  दलित मिसयात स्यागु घटनायात कया निन्दा नं याःगु दु ।

ओएचसीएचआर प्रमुख मिशेल ब्याचलेटं विज्ञप्ति जारी यासें निगुलिइ घटनाया स्वतन्त्र अनुसन्धान यायेमाःगु न्ह्यथनादिगु दु । नेपाल फुक्कं कथया जातीय विभेद उन्मूलनया पक्ष राष्ट्र जुगु लुंमकुसें वयकलं छुवाछूतया अन्त्य जुगु धासाः न थीथी इलय् जुयावयाच्वगु घटनां विभेद अझं नं दनिगु धकाः क्यगु धयादिगु दु ।

मिशेलं थ्व घटनाया स्वतन्त्र अनुसन्धान याना सत्य तथ्य पिने हयेत व पीडितयात न्याय बिइकेत बः बियादिगु दु ।