सर्वसम्मतिइ पारित जुल संविधान संशोधन

सर्वसम्मतिइ पारित जुल संविधान संशोधन

जेठ ३१ - संविधान संशोधन विधेयेक सर्वसम्मतिइ पारित जुगु दु।

कानुन न्याय तथा संसदीय मामिला मन्त्री शिवमाया तुम्बाहाङ्फें संसदय् प्रस्तुत याःगु नेपाःया संविधान निगूगु संशोधन विधेयक, २०७७ यात पारित यायेमाल धकाः प्रस्तुत यागु प्रस्ताव सर्वसम्मतिइ बहुमतं पारित जुगु खः।

प्रतिनिधि सभाय् २७५ सांसद दुगुलिइ थाैं २५८ म्ह उपस्थित जुगु खः। उपस्थित फुक्कसियां संशोधनया पक्षय् मतदान याःगु खः। विधेयेक पारित जुसेलिइ संविधानया अनुसूचीइ दुगु नेपाःया नक्साय् लिम्पियाधुरा, लिपुलेकसहितया भूमि दुथ्यागु दु। 

अथे खसाः नं थ्व विधेयेक राष्ट्रिय सभापाखें न पारित जुइमाः।अनलिपां सभामुख अग्नि  सापकोटां प्रमाणित याना प्रमाणीकरणया लागि राष्ट्रपति विद्यादेवी भण्डारीथाय् छ्वयादिइ। राष्ट्रपतिपाखें प्रमाणीकरण जुइधुक्कांतिनी न्हूँ नक्सां पूर्ण वैधानिकता काइ। 

सरकारं थ्वया न्हय् हे नेपाःया न्हूगु राजनीतिक व प्रशासनिक नक्सा सार्वजनिक यायेधुक्कुगु दु। लिपुलेक व लिम्पियाधुरा क्षेत्र जुया भारतं कैलाश मानसरोवर वनिगु लँ वनिगु निर्माण याना  उलेज्या यासेलिइ नेपाल सरकारं भारतलिसें गम्भीर असहमति प्वकुसें उगु क्षेत्र नेपाःया भूमि जुगु धासे. न्हुगु नक्सा जारी याःगु खः । वंगु नोभेम्बरय् भारतं लिम्पियाधुरा व लिपुलेक दुथ्याका न्हुगु प्रशासनिक नक्सा जारी याःबलय् न नेपालं विरोध याःगु खः।

सीमा विवादया बारेय् नेपालं वार्ताया लागि तकमछि भारतलिसें इनाप यासाः भारत वार्ताय् च्वने मानेमजुयाच्वंगु खः। सीमा विवादया लागि निगुलिइ देशं गठन याःगु प्रबुद्ध समूहया प्रतिवेदन न भारतीय प्रधानमन्त्री नरेन्द्र मोदीइ कयादिइत अस्वीकार यानाच्वनादिगु दु।