बेलायतया राजकुमार ह्यारी मानपदवी मुक्त

बेलायतया राजकुमार ह्यारी मानपदवी मुक्त

फागुन ८ - बेलायतया राजकुमार ह्यारी मानपदविमुक्त जुयादिगु दु।

निम्हम्ह मचा बुइकेगु तयारीइ दुम्ह जहान मेघन मर्केलं राजदरबार लिहाँवनेत अस्वीकार यासेलिइ ह्यारी व मेघनया पदवी वंगु खः।

छुं लान्हय् वयकपिन्सं हे मानपदवी त्वताःगु घोषणा यासें अमेरिकाय् च्वंवसाः नं दरबारयापाखें आःतक मानपदवि कायमय् हे यानातगु खः। तर, शुक्रबाः महारानी एलिजावेथ द्वितीयं वयकपिनिगु मानपदवी खारेज जुगु घोषणा यानादिगु समाचारय् न्ह्यथनातगु दु।बेलायती राजदरबार बकिङ्घम दरबारं आःतक विचाराधीन अवस्थाय् दुगु वयकपिनिगु मानपदवी खारेज जुगु घोषणालिसें उकियात बेलायती राजसंस्थाया इतिहासय् लोमंकेमफइगु घटनाया रूपय् काःगु दु।

महारानी एलिजावेथ द्वितीयं ह्यारीतिपूलिसें बेलायती राजपरिवारया आः राजनीतिकलिसें सार्वजनिक सम्वन्ध मदुगु न्ह्यथनादिगु अधिकारीतयसं धागु दु।

राजपरिवारया दुजया रूपय् वयकपिनिगु आः छुं नं जिम्मेवारी, दायित्व व अधिकारलिसें भूमिका नं मदइगु दरबारं धागु दु।

थगुने मार्चय् ह्यारी व मेघनं सामाजिक सञ्जालय् नं थःपिनिगु अन्तिम पोस्ट यासें बेलायती राज परिवारया वरिष्ठ दुजया रूपय् थपिनिगु भूमिका त्वःतेगु घोषणा यानादिगु खः।वयकपिं सामाजिक सञ्जालपाखें नं तापाक्क च्वनाच्वनादिगु दु। सामाजिक सञ्जालय् यक्व घृणा फयेमाःगुलिइ ह्यारी व मेघनं ट्वीटर, इन्स्टाग्राम, फेसबुकलगायतय सामाजिक सञ्जालय् थपिं प्रस्तुत मजुइगु निर्णय याःगु टाइम्स अफ लन्डनं च्वंगु दु।

हलिउड अभिनेत्री मेघनलिसेंया प्रेम सम्वन्धयात ह्यारीइ बैवाहिक जीवनय् परिणत यानादिगु खः।