माउथवासं ३० सेकेन्डय् कोरोना भाइरस स्याइगु

माउथवासं  ३० सेकेन्डय्  कोरोना भाइरस स्याइगु

मंसिर ५ - म्हुतु कुल्ला याइगु माउथवासं ३० सेकेन्डदुने कोरोनाभाइरसयात स्याइगु छगु अध्ययनं क्यंगु दु ।

कार्डिफ विश्वविद्यालयया वैज्ञानिकतयसं माउथवासलिसेंया संसर्गं भाइरसयात स्यायेत ग्वाहालि जुइफुगु 'आशाजनक सङ्केतत' लुगु धागु खः।

युनिभर्सिटी हस्पिटल अफ वेल्सय् कोभिड-१९ या बिरामीतयके याःगु उपचारात्मक परीक्षणन्हय् थथे विवरण वगु खः।

अध्ययनं म्हुतुइ दुपिं भाइरसयात माउथवासं स्यायेत ग्वाहालि याइगु खनेदुसाः नं माउथवास श्वासप्रश्वासया नली व स्वँतक मथ्यनिगुलिइ थुकियात कोरोनाभाइरसया उपचारया लागि प्रयोग यायेफइ धइगु धासाः छुं नं सङ्केत लुगु मदु ।

विश्वविद्यालयया विवरण कथं म्होतिनं ०.०७ प्रतिशत साइटोपिरिडिनियम क्लोराइड सीपीसी दुगु माउथवासं प्रयोगशालाय् भाइरसलिसें संसर्ग जूबलय् भाइरसयात नष्ट याःगु दु।उगु अनुसन्धानपत्रयात कया मेमेपिं वैज्ञानिकतयसं परीक्षण याना पुष्टि यायेधासाः ल्यदनिइ।

माउथवासतयसं कोरोनाभाइरसयात नं निष्क्रिय यायेफुगु खनेदुगु  उगु अध्ययनया प्रमुख लेखक डा. रिचर्ड स्टनटोनं धयादिल।

कार्डिफया अस्पतालय् जुइगु छगु परीक्षणय् माउथवासं कोरोनाभाइरस सङ्क्रमितया लाःलय् दुगु भाइरसया ल्याः पा याइकि मयाइ धकाः स्वइ ।थुकिया लिच्व २०२१ या सुरुइ वइगु अपेक्षा यानातगु दु।

उगु विश्वविद्यालयया प्राध्यापक डेभिड थोमसं  प्रयोगशालाय् माउथवासं प्रभावकारी ज्या याःगु तर बिरामीयात ज्या याइ मयाइ धकाः स्वयेत अस्पतालया परीक्षण आरम्भविन्दु जुइ धयादिगु बीबीसीइ न्हयथनातगु दु।