नेपालमण्डल टेलिभिजनया पत्रकार राकेश खड्गी सम्मानित

नेपालमण्डल टेलिभिजनया पत्रकार राकेश खड्गी सम्मानित

मंसिर १-  खड्गी ग्वाहाली पुचः येँ महानगरपालिका वडा ल्याः१५ या ग्वसालय् नेपाल संवत ११४१ न्हू दँ व स्वन्ति नखःया लसताय् स्वयम्भुया भुईख्यलय् भिन्तुना कालबिल ज्याझ्वःलिसें हना ज्याझ्वः जुगु दु ।

ज्याझ्वलय् नेपालमण्डल टेलिभिजनया पत्रकार राकेश खड्गीयात  हंगु खः। अथेहे ज्याझ्वलय् येँय्  महानगरपालिका वडा ल्याः १५ दुने च्वनाच्वंपीं थीथी ख्यलय् याःगु योगदान बियावयाच्वपीं व्यक्तित्वःतयत हंगु खः। हनाःज्याझ्वलय् मूपाहाँ प्रतिनिधिसभाया सांसद जिवन राम श्रेष्ठं हनाःपौ व मतिनाःया चिं लःल्हानादिगु खः ।

ज्याझ्वलय् सांसद श्रेष्ठं १५ वडा दुने च्वनाः थीथी ख्यलय् योगदान बियावयाच्वंगु धैगु खड्गीतयगु जक गौरबया विषय मजुसें वडा ल्याः १५ या हे गौरब जुगु धयादिल । अथेहे वय्कलं  वडा ल्याः १५ य् कोभिड अस्पताल दयेकेत्यनागुलीं स्वास्थ्य क्षेत्र कार्यरत ब्यक्तितयसं अस्पतालय् थपीन्सं फुचाःगु ग्वाहाली यायेत नं इनाप यानादिल ।

ज्याझ्वलय् ग्वाहाली पुचःया कजी किरण शाहीं ग्वाहाली पुच खड्गीतयेगु सामाजिक , शैक्षिक , व आर्थिक क्षेत्रय्  थःवं थः दथुइ ग्वाहाली व उत्थान यायेगु नितिं निस्वनागु धयादिल ।

पुचःया कजी शाहीया सभानायसूई जुगु ज्याझ्वलय् वडा ल्या १५ या नायः ईश्वरमान डंगोल लगायत थीथी व्यक्तित्वःतयगु उपस्थिती दुगु खः ।