सिइधुक्कां शरीर दान यायेगु शताब्दी पुरुष सत्यमोहन जोशीया घोषणा

सिइधुक्कां शरीर दान यायेगु शताब्दी पुरुष सत्यमोहन जोशीया घोषणा

माघ ३० - वाङ्मय शताब्दी पुरुष डा. सत्यमोहन जोशी व वयकया जहान राधादेवी जोशीइ सिइधुक्कां थपिनिगु शरीर दानया घोषणा यानादिगु दु।

चिकित्सा विज्ञान प्रयोगात्मक ज्ञानया लागि वयकपिन्सं सिइधुक्कां थपिनिगु शरीर दान यानादिगु खः। सिइधुक्कां थपिनिगु शरीर किस्ट अस्पतालपाखें सञ्चालित मेडिकल कलेजयात दान बिइगु धकाः जोशीइ घोषणा यानादिगु खः। किस्ट अस्पतालं वयकपिनिगु निःशुल्क उपचार यानाच्वंगु दु।

यल महानगरपालिकाया प्रांगणय् नइ प्रकाशनं शुक्रबाः याःगु ज्याझ्वलय् वयकपिन्स शरीर दानया घोषणा यानादिगु खः। घोषणा ज्याझ्वलय्  महानगरया प्रमुख चिरीबाबु महर्जन, नइ प्रकाशनया अध्यक्ष इन्दिरा प्रसाइ, नइ प्रकाशनया दुज छयाञ्जे नरेन्द्रराज प्रसाइ, किस्ट अस्पतालया प्रिन्सिपल प्रा डा बालमानसिंह कार्की , जोशीया काय् अनुराज जोशी लगायतया उपस्थिति दुगु खः।

छुं दिं न्हय् सरकारं जोशीया किपा दुगु हुलाक टिकट सार्वजनिक यागु खः। म्वाःबलय् हे हुलाक टिकट प्रकाशन जुम्ह सत्यमोहन जोशी न्हापांम्ह नागरिक जुयादिइ। अथेहे नेपाल राष्ट्र बैंकं वयकया किपा दुगु पाँयम्व सार्वजनिक यायेधुक्कुगु दु।