स्टार अस्पतालय् एनआइसियु सेवा सुरु

स्टार अस्पतालय् एनआइसियु सेवा सुरु

फागुन ९-  यलया  सानेपाय् दुगु स्टार अस्पतालय् शिशु सघन स्याहार तथा उपचार कक्ष (एनआइसियु) सेवा सुरु जुगु दु।

स्वास्थ्य तथा जनसंख्यामन्त्री हृदयेश त्रिपाठीइ एनआइसियु कक्षया शुक्रबाः उलेज्या यानादिगु खः। मन्त्री त्रिपाठीं एनआइसियु थज्याःगु तसकं संवेदनशिल विभाग शुभारम्भ यागुलिइ भिन्तुना देछासें बेड अभावय् उपचार कायेमखनिगु समस्या पाः जुइ धयादिल।

ज्याझ्वलय् मेडिकल डाइरेक्टर डा.शैल रुपाखेतीइ थःगु अस्पतालया प्रयोगशाला ‘ख’ वर्गं ‘क’ वर्गय् स्तरोन्नती जुगुलिइ लसता प्वकुसें अस्पतालया सेवा सुविधा विस्तार याना यंकेगु धयादिल।१४ दँनिसें न्ह्यानाच्वंगु अस्पतालं सेटेलाइट अस्पतालया रुपय् वागमती प्रदेशया नुवाकोट जिल्लाय् नं सेवा विस्तार याःगु दुसाः वइगु दिनय् मेमेगु प्रदेशय् नं सेवा सुरु यायेगु योजना दुगु डा. रुपाखेतीं धयादिल ।

अस्पतालं पाचन प्रणाली सम्बन्धि उपचार केन्द्र स्थापना यायेत नं तयारी याःगु दु। स्टार अस्पताल पीसीआर नमुना परीक्षण सुरु याःगु न्हापांगु निजी अस्पताल नं खः।