ख्वपय् टिपरया ठक्करं नाइटिङ्गेल स्कुलया चालक सित

ख्वपय् टिपरया ठक्करं नाइटिङ्गेल स्कुलया चालक सित

फागुन ९ - ख्वप नगरपालिका–घलातेचोकय् दुगु अरनिको राजमार्गय् सल्लाघारीइ जगातीपाखें वनाच्वंगु टिपरं ठक्कर बिसेलिइ छम्ह मिजं सिगु दु।

बा ५ ख ४७९ ल्याःया टिपरया ठक्करं सिन्धुपाल्चोक बलेफीगाउँपालिका–७ छेँय् जुया नाइटिङ्गेल बोर्डिङ स्कुल कुपण्डोल यलय् चालकया रुपं ज्या यानाच्वंम्ह ३५ दँया बलराम तामाङ्ग शनिबाः बहनी सिगु महानगरीय प्रहरी परिसर ख्वपया प्रहरी नायब उपरीक्षक दीपक गिरीं धयादिल।

प्रहरीइ टिपर व चालक सिन्धुपाल्चोक साँगा चोक गढी नगरपालिका–११ या २९ दँया सुरेन्द्र खत्रीयात नियन्त्रणय् कया थप अनुसन्धानलिसें कारवाही न्ह्याकागु धकाः धागु दु ।