जनबहा:द्य:या थौं न्हवं

जनबहा:द्य:या थौं न्हवं

माघ ८ - सहकाल व करूणाया प्रतिक कथं कयातःम्ह जनबहा:द्य:या थौं न्हवं यायेत्यगु दु।

जनबहा:द्य:या रथजात्राया लागिं दँयदँसं थौंया दिंखुन्हू पोहेलाथ्व अष्टमीखुनु जनबहा:द्य:या न्हवं जुइ। सनिलय् न्याता: ईलिपापाखे जनबहा:या न्हवं दबुलिइ जनबहा:द्य:लिसें सप्तलोचन ताराया मूर्तियात बिज्याका: न्हवं याइ। जनबहा:द्य:या न्हवंया लागिं न्ह्यर्खुनु हे येँया निर्मलतीर्थय् वना: जल का:वनेगु चलन दु। थौं जनबहा:द्य:या विशेष पुजा जुइधुंका: सनिलय् न्हवं याइगु खः।कन्हयनिसें द्य:यात निभा: पाका: जात्राया लागि लँपु छीगु लिसें द्यःयात न्हूधा: यायगु सुरु जुइ।

स्वनिग:या प्यम्ह करूणामयमध्ये छम्ह जनबहा:द्य:या रथजात्रा धा:सा चौलाथ्व अष्टमी खुनुंनिसें सुरु जुइ।