भरतपुर कोरोना अस्पतालया कर्मचारीतयसं चान्हय् सामान ल्ह्याःच्वंगु भिडियाे फुटेज सार्वजनिक

छानबिन समिति गठन

भरतपुर कोरोना अस्पतालया कर्मचारीतयसं चान्हय्  सामान ल्ह्याःच्वंगु भिडियाे फुटेज सार्वजनिक


बैशाख १६ - चितवनया भरतपुरय् स्थापना याःगु भरतपुर कोरोना विशेष अस्थायी अस्पतालमा कर्मचारीतयसं  सामान ल्ह्याः( खुयाः) यंकुगु  द्वपं ब्युगु दु । अस्पतालया कर्मचारीतयसं चान्हयया इलय् अस्पतालय् च्वंगु खुया यंकुगु भिडियो धासें अस्पतालया सीसीटीभी फुटेज सार्वजनिक जुगु दु। सार्वजनिक जुगु भिडियोलय् अस्पतालय् कार्यरत स्वम्ह कर्मचारीतयसं चान्हय्या इलय् अस्पतालया स्टोरं सामान प्वः चिना पिने यंकाच्वंगु  प्रस्ट खनेदु ।

चान्हय्या इलय् सामान यंकाच्वंगु  दृष्यं इपिं वहे सामान खुयायंकेत अन लिबाक्क तक च्वनाच्वगु न द्वपं ब्युगु दु । भरतपुर महाननगरपालिकां दयेकुगु थ्व अस्पताल वंगु चैत २१ गते भरतपुर अस्पतालया मातहतय् संचालन यायेगु निर्णयसहितया सम्झौता जुगु खः । वंगु वैशाख १ गते न्हिनय् जक भरतपुर अस्पतालं सामानतयगु विवरण काःगु खः। तर चैत ३० गते बहनी ९ ता त्या इलय् पाखें कर्मचारीतयसं सामान यंकुगु  सार्वजनिक जुगु भिडियोलय्  खनेदु ।  

तर द्वपं बियातःपिं कर्मचारीतयसं धासाः थपिंन्स सामान भरतपुर महानगरया स्वास्थ्य शाखाय् यंका तयागु धकाः धयावयाच्वंगु दु।कोरोना अस्पताल सञ्चालनया जिम्मा भरतपुर अस्पतालं कायेधुक्का न इमिसं वंगु वैशाख ७ गते  चान्हसिया ९ ता इ लिपा हाकन छुं छुं सामान यंकुगु मेगु भिडियो न  सार्वजानिक जुगु दु गुकिं मेम्ह कर्मचारीयात दाःगु न खनेदु । 

छानबिन समिति गठन  

चान्हय्या इलय् अस्पतालं कर्मचारीतयसं सामान पिने यंकुगु भिडियो पिहाँवसेलिं थ्व विषयलय् सहलह यायेत सोमबाः कोरोना अस्पताल कार्यदलया बैठक च्वंगु दु । बैठकं घटनाया छानबिन याना छवाः दुने प्रतिवेदन बिइगु याना  उद्योग सङ्घ चितवनया नायः  राजु पौडेलया कजिस्वीइ भरतपुर महानगरपालिका व भरतपुर अस्पतालया छम्ह छम्ह  प्रतिनिधि च्वनेगु याना स्वम्ह दुजया छानबिन समिति गठन याःगु खः ।