बुंगद्यःया रथ दयेकिगु सम्वन्धय् निर्णय जुल
Nepal Mandal TV 
चैत २७ - यलय् बुंगद्यःया न्हवं लिपा रथ दयेकेगु ज्या छु जुइधकाः अन्याैलाता ब्वलनाच्वगु इलय् ज्यापू समाज यलय् च्वंगु बैठकं थ्व सम्वन्धय् निर्णय यागु दु । कोरोना भाइरसया संक्रमण पनेत सरकारं तयातगु लकडाउन चिलाःवनेधुक्का तिनी बुंगद्यःया रथ दयेकिगु जुगु दु । विहिबाः सरोकारवाला निकाय, गुथियार लगायत फुक्क सहभागी बैठकं थथे निर्णय यागु खः । बुंगद्यःया रथ द्यःया न्हवं खुन्हू साइत पुजा याना कन्हय् खुन्हू हामो कि ताना पुच्वलय् दयेकिगु खः । तर थुगुसिइ वगु विषम परिस्थिति याना सरकारं तःगु लकडाउन चिलावनेधुक्का क्षमा पुजा याना रथ दयेकेगु ज्या यायेगु निर्णय जुगु दु ।
२०७७ सालया बुंगद्यःया जात्रा वइगु बैशाख १२ गते द्यःयात रथय् विज्याका १५ गतेनिसें शुरू जुइगु पात्रोय् न्ह्यथना तगु दु ।
