थौ दिलाथ्व एकादशी, चतुरमास शुरु

तुलसी छेँ छेँय् पिइगु दिं

थौ दिलाथ्व एकादशी, चतुरमास शुरु


साउन ५ - थौ दिलाथ्व एकादशी, थनिनिसें चतुरमास शुरु जुगु दु। थौ विष्णुद्यःया पूजा याना: हरिशयनी एकादशी हनाच्वंगु दु।

थौया दिनय् अप्सं च्वना: वासःया गुण दुगु तुलसी छेँ छेँय् पिया: विष्णुद्यःया प्रतीकया रुपय् पूजा यायेगु चलन दु।

पौराणिक बाखनय् मुर नांया दैत्यया आतंकपाखें द्यःपिन्त मुक्त यायेत विष्णुद्यवं तसकं संघर्ष यायेमाःगु व युद्धया त्यानु लंकेत बद्रीआश्रमय् च्वंगु हेमवती गुफाय् वना: देनाबिज्या:गु धइगु मान्यता कया: थौंया दिंयात हरिशयनी एकादशी धायेगु या:गु खः ।