थनिंनिसें छठ पर्व शुरु

थनिंनिसें छठ पर्व शुरु

मंसिर ३ - थनिंनिसें विधिवत रुपं छठ पर्व शुरु जूगु दु ।

सत्य, अहिंसा, आरोग्य व समृद्धिया रुपय् हनीगु छठया न्हापांगु दिं कछलाथ्व चौथी खुन्ह्ू थौं म्वःल्हुयाः शुद्ध नसाज्वलं नयाः छठ पर्वया शुरु जुइ । थौंया दिनय् न्या व  दुसि नये मज्यूगु धार्मिक मान्यता दुगु सस्कृतविदं धाःगु दु । छठ पूजाया निन्हु खुनु कन्हय् खर्ना हनी । गुकिया अन्तर्गत अप्सं च्वंपिन्ज्सं न्हिच्छि अप्सं च्वनाः बहनि खीर, पुरी थुज्वःगु नसाज्वलं गृह देवता व र्सूद्ययात छानाः अरबा अरबाइन अर्थात् चि मतसें नसाज्वलं नयेगु याइ ।

अथेहे पर्वया स्वन्हु खुनु अपसं च्वंपिन्सं न्हिच्छि थःपिनि छेँय् थी थी कथंया नसाज्वलं दयेकाः केरा, स्याउ, तु लिसें थी थी कथंया चायागु थलय् तयाः सनिलय् खुसि वा पुखुलिइ वनाः बीनिभाःयात अर्घ बीगु याइ । वखुनु चच्छि खुसि, पुखू सिथय् जाग्राम च्वनाः उकिया कनहय् खुनु सप्तमी तिथि खुन्हू सुथय् हानं लूनिभाःयात उपिं फुक्क नसाज्वलनं अर्घ बियाः छठ पर्व क्वचायेकी ।