लूनिभाःयात अर्घलिसें छठ क्वचाल

लूनिभाःयात अर्घलिसें छठ क्वचाल

मंसिर ६ - छठ पर्वया लिपांगु न्हि थौं लूनिभाःयात अर्घ बियाः क्वचायेकूगु दु ।

प्यन्हु न्ह्यो न्ह्याःगु छठ पर्वया न्हापांगु न्हिनिसें थी थी विधि यासें थौं सुथय् छठ घाटय् वनाःसूद्य:यात अर्घ बियाः पर्व क्वचायेकूगु खः । देया थी थी खुसि व पुखुलिइ छठ घाट दयेकाः प्यन्हुतक हनिगु थुगु पर्वया न्हापांगु दिं म्वःल्हुयाः चोखो जुयाः नयेगु, निन्हु खुनु खरना, स्वन्हु खुनु खरना व बीनिभाः अले प्यन्हु खुनु थौं लूनिभाःयात अर्घ बियाः थी थी कथं थ्व पर्व क्वचायेकूगु खः।

कोरोनाया महामारीया कारण गुलिसियां धासाः थुगुसिइ छेँय्या कःसि व क्यःबय् कृत्रिम जलाशय दयेकाः सूद्यःया पूजा आराधना यागु दुसाः गुलिखे  ठासय् धासाः जलाशयय् हे वना मकां कथं हे छठ हंगु खः। कोरोनाया जोखिमया कारण थुगुसिइ सरकारं  भीड मयासें पर्व हनेत इनाप याःगु दु।

फुक्क भौतिक विकास सूद्र्यलय् हे आधारित जूगु लिसें सूद्र्यःया शक्तिबिना सिमा, स्वांमा, वनस्पति, प्राणी, जीवजन्तु सुयां हे अस्तित्व मदइगुलिं सूद्यर्ःया पूजा यायेगु परम्परा व संस्कृति बैज्ञानिक जूगु संस्कृतिविदतय्सं धायेगु यानाच्वंगु दु ।

छठ पर्वय् व्रत यात धाःसा दुःख व दरिद्रतां मुक्ति जुइगुया लिसें अप्सं च्वंपिं लिसें सकल छेँजः व सन्तानतय् भिं जुइगु मान्यता दु ।