यलय् १३० नापं स्वनिगलय् १,६९८ म्ह सङ्क्रमित थप

देयन्यकं २,९४२ म्हसिके सङ्क्रमण, २,३२६ म्ह डिस्चार्ज, १२ सित

यलय् १३० नापं स्वनिगलय् १,६९८ म्ह सङ्क्रमित थप


कार्तिक २ - वंगु २४ घाै दुने थप २,९४२ म्हसिके कोरोना सङ्क्रमण पुष्टि जुगु दु। १४,८७५ म्हसिगु नमुना परीक्षण याःबलय् २,९४२ म्हसिके कोरोना पुष्टि जुगु स्वास्थ्य तथा जनसंख्या मन्त्रालयं धागु दु।

थ्वनापं नेपालय् कोरोना सङ्क्रमितया ल्याः १,३२,२४६ थ्यगु दु। आइतबाः थप जुपिं मध्ये १,६९८ म्ह कोरोना सङ्क्रमित स्वनिगःया जक खः। मन्त्रालयया कथं येँय् १,४६९, यलय्  १३० व ख्वपय् ९९ म्हसिके कोरोना सङ्क्रमण पुष्टि जुगु खः।

अथेहे वंगु २४ घाै दुने २,३२६ म्ह कोरोना सङ्क्रमणमुकक्त जुगु दुसाः थ्वनापं कोरोनामुक्त जुपिनिगु ल्याः ९२,१६६ थ्यगु मन्त्रालयं धागु दु।  नेपालय् ३९,३४१ म्ह सक्रिय सङ्क्रमित दु ।अथेहे वंगु २४ घाै दुने थप १२ म्ह सिसेलिइ सङ्क्रमणपाखें सिइपिनिगु ल्याः ७३९ थ्यगु स्वास्थ्य मन्त्रालयया प्रवक्ता  डा. जागेश्वर गौतमं धयादिल।