स्वनिगलय् ४२ नापं थप ९६ म्हसिके कोरोना पुष्टि

स्वनिगलय् ४२ नापं थप ९६ म्हसिके कोरोना पुष्टि

फागुन ६  - नेपालय् काेभिड–१९ (कोरोना भाइरस) या सङ्क्रमितया ल्याः २ लख ७३ द्वः १६६ थ्यगु  दु।

स्वास्थ्य तथा जनसङ्ख्या मन्त्रालया कथं बिहिबाः ३,४५१ म्हसिगु परीक्षण याबलय्  देयन्यकं ९६ म्हसिके सङ्क्रमण पुष्टि जुगु खः। उकिंमध्ये स्वनिगलय् ४२ म्हसिके संक्रमण पुष्टी जुगु खः। वंगु २४ घाै दुने १११ म्ह लंका अस्पतालं वसेलिइ डिस्चार्ज जुपिनिगु ल्याः २  लख ६९ द्वः ५०५ थ्यगु दु। नेपालय् १,६०३ म्ह सक्रिय सङ्क्रमित आइसाेलेशनय् च्वनाच्वंगु दु। 

वंगु २४ घाै दुने कोरोना संक्रमणं ३ म्ह नं सिगु दु। थ्वनापं कोरोना सङ्क्रमणं सिइपिनिगु ल्याः २,०५८ थ्यगु मन्त्रालयं धागु दु।