स्वनिगलय् ३४७ म्ह कोरोना संक्रमित, थाै खुम्ह थप

स्वनिगलय् ३४७ म्ह कोरोना संक्रमित, थाै खुम्ह थप

असार २८ -लिपांगु वालय् देयन्यकं कोरोना भाइरस रोग (कोभिड - १९) या ल्वगित पाः जुयाच्वंगु दु। स्वनिगलय् धासाः संक्रमण अप्वयाच्वंगु दु ।

स्वास्थ्य तथा जनसंख्या मन्त्रालयं आइतबाः न्हिनय् पितब्यूगु कोरोना संक्रमितया तथ्यांक कथं थाैं येँय् ५ व यलय् १ म्हसिके कोरोना पुष्टि जुगु दु। थ्वनापं स्वनिगलय् संक्रमितया ल्याः ३४७ थ्यगु दु। 

लिपांगु २४ घाै दुने देयन्यकं  ८२ म्हसिके कोरोना पुष्टि जुगु दु। मन्त्रालयया प्रवक्ता प्रा.डा जागेश्वर गौतमं देयन्यक २५ गू प्रयोगशालाय् यागु पीसीआर परीक्षणय् ८२ म्हसिके कोरोना पोजेटिभ खनेदुगु जानकारी बियादिल। थ्वनापं कोरोना संक्रमितया ल्याः १६,८०१ थ्यगु दुसाः  आइसोलेसनय् ८,१७४ म्ह च्वनाच्वंगु दु। लिपांगु २४ घाै दुने १४७ कोरोनामुक्त जुया डिस्चार्ज जुगु दु। आःतक डिस्चार्ज जुपिनिगु ल्याः ८,५८९ थ्यगु दु।