चीनं थ्यंकवल ८ लख डोज खोप, थाैं हे थप ८ लख हइगु

चीनं थ्यंकवल ८ लख डोज खोप, थाैं हे थप ८ लख हइगु


भदौ ३ -   चीनलिसें न्याःगु खोप नेपाः थ्यंकवगु दु। कोभिड–१९ विरुद्धया ६० लख डोज भेरोसेल खोपमध्ये ८ लख डोज बुधबाः चान्हय् थ्यंकवगु खः।
खोप कायेत बुधबाः सुथय्  नेपाल एयरलाइन्सया वाइडबडी चीनपाखें ब्वःगु खः ।

स्वास्थ्य सेवा विभाग आपूर्ति शाखाया अधिकृत बडेबाबु थापाया कथं चान्हय् थ्यंकवगु  खोप टेकुया गोदामय् तःगु दु ।

चीनं बुधबाः व बिहीबार ८/८ लख डोज खोप हइगु धागु दु । वहे कथं बिहीबाः चान्हय् नं ८ लख डोज खोप येँय् थ्यकवं वइगु धागु दु ।

नेपाल सरकारं चिनियाँ वासः उत्पादक कम्पनी सिनोफार्मलिसें ६० लख खोप न्यायेगु निर्णय याःगु खः। 

बिहीबाःतकय् १६ लख डोज खोप थ्यंकवइगु व ल्यदनिगु खोप अगस्ट महिनादुने हयेगु धकाः अधिकारीतय्सं धागु दु ।