थनिनिसें येँय् भेरोसेल खोपया न्हापांगु डोज बिइगु

१८ दँ पूरा जूपिं ११, १२ तगिं व विश्वविद्यालय तहया परीक्षाया प्रवेशपत्र कापिंन्त नं बिइगु

थनिनिसें येँय् भेरोसेल खोपया न्हापांगु डोज बिइगु


भदौ ४ -  येँय् थनिनिसें ४० दँ च्वय्यागु उमेर समूहया नागरिकयात कोरोनाविरुद्धया भेरोसेल खोपया न्हापांगु मात्रा बिइत्यगु दु। अथेहे १८ दँ पूरा जूपिं ११, १२ तगिं व विश्वविद्यालय तहया परीक्षाया प्रवेशपत्र कापिं ब्वमितय्त नं भेरोसेलया न्हापांगु मात्राया खोप बिइत्यगु दु।

भदौ ४, ५ व ८ गते मंगलबाफ स्वन्हू सुथसिया १० ताः निसें सनिलया ५ ताःतक खोप बिइगु ज्याधलः येँय् महानगरपालिकां सार्वजनिक याःगु खः।

महानगरपालिकाया ३२ गुलिं वडाय्  खोप केन्द्र क्वःछिनातःगु दु। खोप कायेत थप खोप केन्द्रय् नं क्वःछिनातःगु दु।  राधास्वामी आइसोलेसन सेन्टर सामाखुसी, सशस्त्र प्रहरी बल अस्पताल बलम्बु, वीर अस्पताल रत्नपार्क, शिक्षण अस्पताल महाराजगञ्ज, निजामति कर्मचारी (सिभिल) अस्पताल बानेश्वर, परोपकार प्रसुती तथा स्त्रीरोग अस्पताल थापाथली, नेपाल प्रहरी अस्पताल महाराजगञ्ज व वीरेन्द्र सैनिक अस्पताल छाउनीइ नं खोप केन्द्र तयातःगु दु।

महानगरपालिकां लिक्कं च्वंगु वडा व अस्पतालय् दुगु खोप केन्द्रय् वनाः खोप कायेत इनाप याःगु दु। खोप काःवनेबलय् उमेर सिइदुगु प्रमाणपत्र अनिवार्य याःगु दु।