कोरोनाया कारणं ३७९ दँ पुलांगु कात्ति प्याखं थुगुसिइ २ न्हू जक क्यनिगु

कोरोनाया कारणं  ३७९ दँ पुलांगु कात्ति प्याखं थुगुसिइ २ न्हू जक क्यनिगु

मंसिर ५ - कोरोना संक्रमणया जोखिमया कारणं थुगुसिइ ३७९ दँ पुलागु ऐतिहासिक कात्ति प्याखं २ न्हू जक क्यनिगु जुगु दु ।

थगुने नगुने कछलाथ्व पंचमी म्हिगःया दिंनिसें शुरु जुया १२ तक क्यंगु कात्ति प्याखं थुगुसिइ निन्हू जक क्यनिगु निर्णय जुगु खः। म्हिगः यल महानगरपालिकाय् प्याखंलिसें सम्वन्धित फुक्कं सरोकारवालात दथुइ जुगु बैठकं कोरोना भाइरसया संक्रमणया कारणं मंसिर १२ व १३ गते बराह अवतार व नृसिहं अवतारया प्याखं क्यनेगु निर्णय जुगु कात्ति प्याखं संरक्षण समितिया नायः किरण चित्रकारं धयादिल  ।

सुदामा प्याखँ, भक्त सुरदास प्याखँ, बाथ प्याखँ, युद्ध कला, देवी नृत्य, जलशयण, वराह अवतार, नृसिंह अवतार, वस्त्रहरण, दधिलीला थज्याःगु प्याखं क्यनिगुलिइ थुगुसिइ संक्रमणया कारणं बराह व नृसिहं अवतार जक क्यनेत्यगु खः। तान्त्रिक विधिया कात्ति प्याखंया यक्वथें घटनात विष्णु पुराणया बाखंलिसें सम्बन्धित जु । थुगु प्याखं जुजु सिद्धिनरसिंह मल्लया पालय् च्यान्हु क्यंगु खःसा लिपा श्रीनिवास मल्लया पालय् झिंन्यान्हु क्यंगु खः । कात्तिक प्याखनय् यलया राजोपाध्याय, श्रेष्ठ, प्रधान, अमात्य, जोशी, मल्ल लिसें नेवाः दुनेया थी थी जातया प्रतिनिधित्व जुयावयाच्वंगु दु।

थुगु प्याखं नेपाल सम्वत ७६१ (विसं १६९७०) निसें मदिक्क यल लाकुलिइ च्वंगु कात्ति दबलिइ क्यना वयाच्वंगु खः ।