अन्तर्राष्ट्रिय माभाय दिवस थौं

अन्तर्राष्ट्रिय माभाय दिवस थौं

फागुन ९ - थौं अन्तर्राष्ट्रिय माभाय दिवस।

राष्ट्रिय जनगणना २०६८ कथ नेपालय् १२३ गू माभाय् प्रयोगय् दु ।  नेपालय् दुगु १०० मल्याक भाय् मध्ये यक्व लोप जुइगु अवस्थाय् थ्यंगु दु । माभाय् संरक्षण यायेत ब्वनेगु सफू पिथनाः प्राथमिक तगिंनिसें हे ब्वंकेमाःगुलिइ भाषा न्ह्यलुवाःपिन्सं बः बियाच्वंगु दु । संयुक्त राष्ट्रसंघया इनापय् सन् २००० निसें माभाय् दिवस हनावयाच्वंगु खः।

सन् १९५२ स अबलेया पूर्वी पाकिस्तानया बंगलादेशी ब्वमितय्सं बंगाली भाय्यात मान्यता बिइमाःगु धासें याःगु आन्दोलनयात थौंया हे न्हि फेब्रुअरी २१ कुन्हु दमन जूगु खः । उकिया हे लुमन्तिइ बंगलादेशया प्रस्तावय् थ्व दिवस हनावयाच्वःगु खः।

अन्तर्राष्ट्रिय माभाय दिवसया झ्वलय् थौं नेपाल प्रज्ञा प्रतिष्ठान लगायतं ज्याझ्वः यायेत्यगु दु।