जावलाख्यलय् बसया ठक्करं छम्ह मिसा सित

जावलाख्यलय् बसया ठक्करं छम्ह मिसा सित

फागुन १०–  यलया जावलाख्यलय् बसं स्कुटरयात ठक्कर बिसेलिइ छम्ह मिसा सिगु दु । 

सोमवाः न्हिनय् बसं जावलाख्यलय् स्कुटरयात ठक्कर बिसेलिइ घाःपा जुम्ह मिसा वासःया झ्वलय्  अल्का अस्पतालय् सिगु महानगरीय प्रहरी परिसर यलं धागु दु । सिम्ह मिसाया पहिचान सिइमदुनिगु परिसरया प्रहरी उपरीक्षक (एसपी) लिसें प्रवक्ता प्रज्ज्वल महर्जनं धयादिल । 

बा २ ख ३५७४ ल्याःया बसं प्रदेश ३–०२–०१० प ५५८९ ल्याःया स्कुटरयात ठक्कर ब्यूगु खः।  बस चालकयात ज्वना थप अनुसन्धान जुयाच्वंगु नं प्रहरी उपरीक्षक महर्जनं धयादिल ।