जावलाख्यलय् बसया ठक्करं सिम्ह मिसाया पहिचान सिइदत

जावलाख्यलय् बसया ठक्करं सिम्ह मिसाया पहिचान सिइदत

(अपडेट) फागुन १०–  यलया जावलाख्यलय् दुर्घटनाय् लाना सिम्ह मिसाया पहिचान सिइदुगु दु।

सोमबाः न्हिनसिया १३० ताइपाखें भैंसेपाटीइ वयाच्वंगु बसया ल्यूनेया घचालय् छँय् लाना उम्ह मिसा सिगु खः। वयक मिसा उदयपुर कटारी नगरपालिका छेँय् जुया यलया नख्खुडोलय् पस तयाच्वम्ह २३ दँया सिर्जना राई जुगु महानगरीय प्रहरी परिसर, यलया प्रहरी उपरीक्षक (एसपी)  प्रज्वल महर्जनं धयादिल ।

दुर्घटना जुगु इलय् जावलाख्यलय् ट्राफिक प्रहरीइ चेकिङ यानाच्वंगु खः। चेकिङया झ्वलय् स्कुटर बिस्यू वनेत्यंबलय् ल्यूने बसं ठक्कर ब्यूगु परिसरया प्रमुख प्रहरी वरिष्ठ उपरीक्षक (एसएसपी) किरण बज्राचार्यं धयादिल।

बस चालकयात प्रहरीइ नियन्त्रणय् काःगु दु।