डायलाइसिस याकेमखना येँया किपूलिइ छम्हसियां आत्महत्या यात

डायलाइसिस याकेमखना येँया किपूलिइ छम्हसियां आत्महत्या यात


चैत २१ - लकडाउनया कारण डायलाइसिस याकेमखना येँया किपूलिइ छम्हसिया आत्महत्या यागु दु । चितवन जिल्ला, भरतपुर नगरपालिका १२ स्थायी छेँय् जुया थुथाय्  कीपू-१० ट्याङ्लाय् वालं च्वनावयाच्वम्ह गणेश गाैतमं यगाना आत्महत्या यागु धकाः किपूया पत्रकार विरेन्द्र शाक्यं जानकारी बियादिगु दु। जलास्येँया विरामी  गाैतमं  निला न्हयःनिसें वीर अस्पतालय् डायलाइसिस याका वयाच्वनादिगु खः । वालय्  निकः डायलाइसिस  याकेमाःगु व  लकडाउनं याना समस्या जुयाच्वंगु धकाः पारिवारिक स्राेतयात उदृत यासें शाक्यं धयादिगु दु ।

( फोटोः विरेन्द्र शाक्यया फेसबुकपाखें)

सिम्हःयात कीपू -१० या वडा अध्यक्ष अमन महर्जनसहितया राेहवरय्  मुचुल्का लिपा पाेष्टमार्टमया लागि त्रिवि महाराजगञ्ज शिक्षण अस्पताल यंकुगु प्रहरी स्राेतं धागु दु  । घटनास्थलय् महनगरीय प्रहरी वृत्त, कीपूया प्रमुख डिएसपी छेदिलाल कामती थः हे अनुसन्धानया लागि खटे जुयादिगु खः ।

(फोटोः विरेन्द्र शाक्यया फेसबुकपाखें)