मेलम्ची खानेपानीया सुरुङय् लः छ्वया परीक्षण शुरु

मेलम्ची खानेपानीया सुरुङय्  लः छ्वया परीक्षण शुरु

फागुन १० - बहुप्रतीक्षित मेलम्ची खानेपानीया २६.५ किलोमिटर सुरुङय् थनिनिसें लः जायेका परीक्षण याःगु जुगु दु।

खानेपानी मन्त्रालय व मेलम्ची खानेपानी विकास समितिइ आवश्यक फुक्कं प्राविधिक ज्या पूरा यासेलिइ लः जायेका परीक्षण याःगु खः। आयोजनास्थल मेलम्चीया हे औपचारिक  ज्याझव याना लः जायेकुगु खः। खानेपानी मन्त्री मणि थापाया उपस्थितिइ सुरूङय् लः तया परीक्षण याःगु मेलम्ची खानेपानी विकास समितिया प्रवक्ता राजेन्द्र पन्तं धयादिल। वंगु असारय् सुरुङय् लः जायेकेगु धका परीक्षण यागु खः तर हेलुम्बु गाउँपालिका–१ य् दुगु अम्बाथानया अडिटया मू गेट तःज्याना पिहाँवगु लखं आयोजनाया छम्ह इन्जिनीयर व चालकयात चुइकुगु खः। अनंलिपा आयोजनाया मुख्य दातृ निकाय एशियाली विकास बैंक (एडीबी) या अनुदान सहयोगअन्तर्गत ४ म्ह  विशेषज्ञया टोलीइ सुरुङ, मुहानस्थल, गेटलगायतयाा संरचनाया हाकनंः जाँच याःगु खः।

आयोजनाया कार्यकारी निर्देश तिरेश खत्रीइ न्हापाथेें दुर्घटना मजुइमाः  धकाः आयोजनां थ्वपालय् विशेष सतर्कता नालाकाःगु धयादिल। परीक्षणया झ्वलय हेलिकोप्टरयात नं तयारी अवस्थाय  तयातःगु दु । उद्धार योजना दयेका धुलिखेलनिसें येँयतकया थीथी अस्पतालतयत समन्वय याःगु दु । खत्रीयाा कथं सिन्धुपाल्चोकया मेलम्ची खुसिनिसें येँया सुन्दरीजलतकया २६.५ किलोमिटर सुरुङ जायेकेत  १६ न्हू काइ।

शुरुवाती चरण जुगुलिइ सुुरुङया क्षमताकथं लः मत्वतिइगु वयकलं धयादिल।