लकडाउनया दथुइ मोनाया भर्चुअल कला प्रर्दशनी

लकडाउनया दथुइ मोनाया भर्चुअल कला प्रर्दशनी
लकडाउनया दथुइ मोनाया भर्चुअल कला प्रर्दशनी

जेठ २१ - कोरोना भाइरसया संक्रमणया  पाःयायेत जुयाच्वंगु  लकडाउनया कारण प्रभावित जुगु कला प्रदर्शनीयात निरन्तरता बिइगु लागि निगुगू भर्चुअल कला प्रर्दशनी जुइत्यंगु दु।

येँया ठमेलय् च्वंगु  काठमाडौं गेस्ट हाउसया म्युजियम अफ नेपाली आर्ट (मोना) या ग्वसालय् क्युरेटरलिसें मोनाया संस्थापक राजन शाक्यया कुतलय् ‘इन्सेप्सन’ नांया निगुगू भर्चुअल कला प्रर्दशनी जुइत्यंगु खः। कसं शुक्रबाःनिसें जुइगु अनलाइन कला प्रदर्शनीइ राजप्रकाश तुलाधर, प्रेममान चित्रकार, देवेन्द्र सिख्वाल, लोक चित्रकार, मुक्ति सिहं थापा, पूर्ण ह्योजु, रवी श्रेष्ठ, रीतेश शाही, समुद्रमान सिहं, सुरेन्द्रमान शाक्य, उदयचरण श्रेष्ठ व उजय बर्ज्राचार्यया चित्रकला दुथ्याइगु मोनाया म्यानेजर मीना लामा जानकारी बियादिल। भर्चुअल कला प्रर्दशनी थपिनिगु वेवसाइटपाखें स्वयेफइगु धकाः लामां धयादिल।

थ्वया न्हय न्हापांगु भर्चुअल कला प्रर्दशनी वंगु जेठ १ निसें सुरू जुगु खसाः उकिइ १९ म्ह कलाकारतयगु कोरोना व लकडाउनयात केन्द्रित याना दयेकातगु  कला प्रदर्शनीइ तगु खः ।