News of the Day: नेपालमण्डल न्हिच्छिया मू मू समाचार

News of the Day: नेपालमण्डल न्हिच्छिया मू मू समाचार

माघ ७ थौंया मुख्य समाचार

प्रधानमन्त्रीया भाषणं थःपिं प्रभावित मजुइगु न्यायाधीशया जिकिर

प्रतिनिधिसभा विघटनया मुद्दाय् सुनुवाइ यानाच्वंगु सर्वोच्च अदातलया संवैधानिक इजलासया न्यायाधीशं सुयागु भाषणं थपिं प्रभावित मजुइगु धागु दु। बुधबाःया सुनुवाइया झ्वलय् बहस याःगु रिट निवेदक कञ्चनकृष्ण न्यौपानें प्रधानमन्त्रीइ भाषणय् संसद पुनर्स्थापना जुइमखु धकाः धयादिगु खँ इजलासय् तयादिगु खः।

देयन्यक ३१८ म्हसिके कोरोना संक्रमणया पुष्टि

लिपांगु २४ घौ दुने देयन्यक ३१८ म्हसिके कोरोना भाइरस संक्रमण पुष्टि जुगु दु । स्वास्थ्य तथा जनसंख्या मन्त्रालयया प्रवक्ता प्रा डा जागेश्वर गौतमया कथं  ५,०१२ म्हसिगु पीसीआर परीक्षण जुगुलिइ ३१८ म्हसिके कोरोना पोजेटिभ खनेदुगु खः।

तसकं ख्वाउगुलिइ प्रदेश २ या  स्कुल बन्द

तसकं चिकुसेलिइ पर्सा व बाराया थीथी पालिकातयसं स्कुल  बन्द यागु दु बाराया कलैया उपमहानगरपालिका व पर्साया पर्सागढी नगरपालिकां स्कुल बन्द यागु दु। वीरगञ्ज महानगरपालिकाया स्कुल धासाः थनिनिसें चागु खः ।

कांग्रेसं संसद विघटनया विरोधय् कन्हय् देयन्यकं प्रदर्शन याइगु

प्रमुख प्रतिपक्षी नेपाली कांग्रेसया सभापति शेरबहादुर देउवां कांग्रेसं कन्हय् यायेत्यगु विरोध प्रदर्शनय् ब्वति कायेत अपील यानादिगु दु।

अमर्यादित रुपय् जाँच कापिंम्ह शिक्षकयात ज्वन

परीक्षा केन्द्र सिबें पिने होटलय् यंका अमर्यादित रुपं जाँच कागु व मेगु प्रचलित कानून बिपरितया कसूरजन्य ज्या याःगु अभियोगय् पोखरा महानगरपालिका-१ पुलांगु टुँडिखेलया राष्ट्रिय माध्यामिक बिद्यालय कास्कीया ३ म्ह  शिक्षकयात सोमबाः बहनी प्रहरीइ ज्वंगु दु।

प्रदेश १ या चिकुला अधिवेशन : मिनेट जक च्वना स्थगित

प्रदेश १ या चिकुलाया अधिवेशनया न्हापांगु बैठक ३ मिनेटजक च्वना स्थगित जुगु दु। प्रदेश प्रमुखं अधिवेशन आह्वान याःगु सम्बन्धी पै ब्वना बैठक स्थगित याःगु खः। थ्वया न्हय् राष्ट्रिय मे हायेकुगु खसाः प्रदेश प्रमुखया पौ वाचनलिसें सभामुखं बैठक स्थगित जुगु जानकारी बियादिगु खः।

भारतं नेपाःयात १० लख डोज कोरोना भ्याक्सिन बिइगु, बिहिबाः थ्यकवइगु

भारतं नेपाःयात १० लख डोज कोरोना भ्याक्सिन उपलव्ध याकिगु जुगु दु । स्वास्थ मन्त्रालयय् थौं याःगु पत्रकार सम्मेलनय् थथे जानकारी ब्यूगु खः। भारत सरकारं नेपालनापं भूटान, बङ्गलादेश, माल्दिभ्स, म्यान्मा व सेसेल्सयात कोभिड–१९ विरुद्धया खोप अनुदान सहायता स्वरुप उपलब्ध याकेगु घोषणा याःगु खः।

कांग्रेसं  प्रदेशसभाय् दर्ता जुगु अविश्वास प्रस्तावय् ठोस धारणा दयेकिगु

नेकपाया निगु खेमाया तानातानय् दुगु नेपाली काँग्रेसं आः धासाः प्रदेशसभाय्  दर्ता जुगु अविश्वास प्रस्तावय् ठोस धारणा दयेकिगु जुगु दु। थ्व प्रयोजनया लागि सभापति शेरबहादुर देउवां न ख्वातुक्क सहलह न्ह्याकादिगु दु। प्रदेश नं.१ व बाग्मती प्रदेशसभाय्  नेकपाया प्रचण्ड–माधव पुचलं ओली पुचया मुख्यमन्त्रीत विरुद्ध अविश्वास प्रस्ताव पेश याःगु दु।

नेवाः एकता दिवस  नेवाः आन्दोलन दिवस कथं हनिगु

थुगुसिया नेवाः एकता दिवसयात  नेवाः आन्दोलन दिवस कथं हनीगु जूगु दु।नेवाः देय् दबुया ग्वसालय् थौं येँया कालीमाटी जुगु पत्रकार सम्मेलनय् थथे जानकारी ब्यूगु खः। पत्रकार सम्मेलनय् देय् दबुया नायः नरेश ताम्रकारं नेवाः आन्दोलनयात थप सशक्त दयेकेगु दिंकथं थुगुसीया नेवाः एकता दिवस हनेगु धयादिल। 

 नयेगु चिकंया भाः अस्वभाविक रुपय् थहाँवन, २ उद्योग कारवाहीलय्

वाणिज्य, आपूर्ति तथा उपभोक्ता हित संरक्षण विभागं नयेगु चिकंया भाः थकागु २  उद्योगयात कारवाही याःगु दु। छुं दिंनिसें बजारय् नयेगु चिकंया भावय् अस्वभाविक रुपय् वृद्धि जुगु खँ वसेलिइ विभागं बजार अनुगमनयात तीव्रता ब्यूगु खः । थीथी जिल्लाय् सञ्चालन जुगु चिकं उद्योगया अुनगमनया झ्वलय् मङ्गलबाः बाराय्  सञ्चालित २ उद्योगं भाः थकागु लुसेलिइ कारवाहीस्वरुप जरिवाना याःगु धागु दु।

न्हूगु स्वरुपया कोरोना भाइरस न्हि न्हिं न्हूगु देशय्  विश्वया ६० देशय् थ्यन

कोरोनाया न्हूगु स्वरुपया भाइरस विश्वया म्होति नं ६० देशय् थ्यगु समाचारय् न्ह्यथनातगु दु। थ्व सङ्क्रमण विश्वया ६० देशय् थ्यनेधुक्कुगु दु। विश्व स्वास्थ्य संगठनं बुधबाः ब्यूगु जानकारीकथं थ्व भाइरस थुगु वालय् जक विश्वया १० गू देशय् थ्यगु खः। । उगु संगठनं महामारीया थ्व स्वरुप न्हिन्हि न्हूगु न्हूगु देशय् थ्यनाच्वगु धागु खः।

नेपाली बजारय् थं लुँया भाः०० तकां थहाँवन

नेपाली बजारय् लुँया भाः बुधबाः तोलाय् ५०० तका थहाँवगु दु। मंगलबाः तोलाय् ९२ द्वःतकाय् करोबार जुगु लुँ थौं ५०० तकां थहाँवना ९२ द्वः ५०० तका थ्यगु खः।

मानव अधिकार आयोगया ‘नक्कली’ अध्यक्ष १५ लख तका ठगे याःगु अभियोगय् ज्वन

राष्ट्रिय मानवअधिकार आयोगया नक्कली अध्यक्षयात ज्वंगु दु। थः मानवअधिकार आयोगया अध्यक्ष धकाः म्हसिका बिया ठगे याःगु द्पनय्  संखुवासभाया तुलसी थापायात म्हिगः दरवारमार्गं ज्वंगु खः। महानगरीय प्रहरी अपराध महाशाखां अभियुक्त थापायात १५ लख तका ठगे याःगु अभियोगय् ज्वंगु धागु दु।

न्हूगु प्रजाति लुपिंमध्ये २ म्ह संक्रमणमुक्त, छम्ह चिकित्सकया निगरानीइ

छुं ई न्हय् बेलायतं वपिं नेपालीयाके नं  बेलायतय् विकास जुगु न्हूगु युके भेरिएन्ट (बी–११७) कोरोना भाइरस पुष्टि जुगु खः। न्हूगु प्रजातिया संक्रमण जुपिं ३ म्हमध्ये निम्ह संक्रमणमुक्त जुगु दु। इपिं आः संक्रमणमुक्त जुगु स्वास्थ्य मन्त्रालयया सहप्रवक्ता डा. समिर कुमार अधिकारीं जानकारी बियदिल। बेलायतं वपिंमध्ये ३ म्हसिके कोरोना भाइरसया न्हूगु संक्रमण जुगु माघ ५ गते पुष्टि जुगु खः । 

घुसनापं मालपोत ज्याकु यलया नासु व लेखापढीयात ज्वन 

यलया लगनख्यलय् च्वंगु भूमिसुधार तथा मालपोत ज्याकुथिइ कार्यरत नायब सुब्बा मन्दिप कुमार श्रेष्ठ व लेखापढी व्यवसायी रमेशलाल श्रेष्ठयात घुसया धिबाःनापं ज्वंगु दु। अख्तियार दुरुपयोग अनुसन्धान आयोग टंगालं खटे जुगु टोलीइ यल महानगरपालिका-१२, लगनख्यलय् च्वंगु बसपार्क लिक्कं सेवाग्राहीलिसें ४० द्वःतका घुस कायेधुक्कुगु  अवस्थाय् निम्हसित मंगलबाः नियन्त्रणय् कागु खः।

दक्षिण कोरियाय् दुपिं नेपालीतयसं कोरोनाया खोप निःशुल्क कायेखंनिगु

दक्षिण कोरिया सरकारं कोरोनाविरुद्धया खोप दक्षिण कोरियाय् च्वनाच्वपिं स्वदेशी लिसें विदेशी फुक्कंसित निःशुल्करूपय् बिइगु जुगु दु। थ्वया न्हय् थः स्वदेशी नागरिकयात जक सितिकं बिइगु धासाः नं न्हूगु निर्णय याना विदेशीयात नं उगु खोप निःशुल्क बिइगु धागु खः।

बस व ट्रक न्याना छम्ह सित, निम्ह घाःपा

पूर्वी चितवनया राप्ती नगरपालिका–५ कालिका पेट्रोलपम्प लिक्क मंगलबाः बहनी बस व ट्रक न्याना छम्ह सिगु दु। बस व ट्रक न्याना खोटाङया ४५ दँया चन्द्रबहादुर श्रेष्ठ सिगु जिल्ला प्रहरी ज्याकु चितवनं धागु दु। येँय् नं का काँकडभिट्टापाखें वनाच्वंगु ना ७ ख २१११ ल्याःया बस व विपरीत दिशां वयाच्वंगु ना ६ ख ४२८१ ल्याःया ट्रक न्यागु खः।

कमलपोखरीया माैलिकता स्यंकेत्यगुया विरोधय् महानगरपालिका न्ह्यने प्रदर्शन

येँया पलेस्वां पुखुया ल सुकाछ्वया जःखःया कंक्रिट संरचना व दथुइ कंक्रिटया हे पलेस्वां दयेकेगु येँय् महानगरपालिकाया योजनाया विरोधय् कमलपोखरी संरक्षणय् जायाच्वपिं अभियन्तातयसं महानगरपालिकाया ज्याकु न्ह्यने  प्रदर्शन याःगु दु। विरोध स्वरूप म्हिगः मंगलबाः न्हिनय्  येँय् महानगरपालिकाया ज्याकु बाघदरबार न्ह्यने प्रदर्शन यागु खसाः उपमेयर हरिप्रभा खड्गीयात नाप लाना सचेतना पाै नं ब्यूगु खः।