यलध्वाखाय् आः बसपार्क मन्त

यलध्वाखाय् आः बसपार्क मन्त

फागुन १० -  यल महानगरपालिकां यलध्वाखाय् दुगु बसपार्क चिकुगु दु।

महानगरया मेयर चिरीबाबु महर्जनं नगर लागा दुने सडक दुर्घटना न्यूनीकरण व गाडीया आवागमन व्यवस्थित यायेत निर्देशन बिसेलिइ नगर प्रहरीया न्ह्यँलुवाय्, महानगरीय ट्राफिक प्रहरी महाशाखा, पाटन ढोका बस व्यवसायी प्रा.लि., शान्ति युवा क्लव, मिखा बहाल टोल, ननि टोल सुधार समितिया ग्वाहालिइ यलध्वाखा लागां बसपार्क चिकुगु नगर प्रहरी प्रमुख सिताराम हाछेथुं धयादिल । बसपार्क चिकुगु थ्व ठाययात आः बस स्टपया रुपय् कायम याःगु वयकलं धयादिल ।  

थ्व ठासं आः बस यात्रु क्वकायेत व गयेत जक दिकेफइगु जुगु दु ।