मिसा च्वमिपिंनिगु बाखंयात कया समीक्षा

मिसा च्वमिपिंनिगु बाखंयात कया समीक्षा

असार ८ - हलिं नेवाः दबू, अमेरिका कचाया ग्वसालय् नेपालभाषाया मिसा च्वमिपिंनिगु बाखंया समीक्षा ज्याझ्वः जुगु दु।

ज्याझ्वःलय् साहित्यकार नविन चित्रकार, समालोचक पूर्ण काजी ताम्राकार व प्राध्यापक प्रेमशान्ति तुलाधरं झिन्ह्यपु बाखंयात कया समिक्षा यानादीगु खः। बाखंया समीक्षा यायेगु झ्वलय् साहित्यकार चित्रकारं, समालोचक ताम्राकारं व प्राध्यापक तुलाधरं बाखनय् पात्र व थाय् नं दुसा बाखं अझ स्तरीय जुइगु खं कनादीगु ज्याझ्वःया कजि बाखंच्वमि केशर मान ताम्राकारं  नेपालमण्डल टेलिभिजनयात जानकारी बियादिल।

थ्वया न्हय् ग्वसाःखलपाखें याःगु अनलाइन बाखं ब्वनेगु ज्याझ्वःलय् डा. रिना तुलाधर, लोचनतारा तुलाधर, निजिरोस श्रेष्ठ, दिब्या ताम्रकार, रिता महर्जन, सुवर्ण केशरी चित्रकार, रिता देवी प्रधान जोशी, श्रीलक्ष्मी श्रेष्ठ, रेणु श्रेष्ठ, ईश्वरी मैया श्रेष्ठ, सरस्वती तुलाधर, प्रमिला सायमि, मन देवी ताम्राकार, मोति लक्ष्मी शाक्य, अर्चना शाक्य, सुनिता महर्जन व अमिर मैया रञ्जितं ब्वनादिगु बाखंयात कया समीक्षा जुगु खः।

समीक्षा ज्याझ्वः न्ह्याकेगु लागि  हलिं नेवाः दबू अमेरिका कचाया नायः प्रमेश श्रेष्ठ व हलिं नेवाः दबू अमेरिका कचाया सांस्कृतिक दुज वासव राजोपाध्याय ग्वाहालि यानादीगु खः।