मिसा बाखंच्वमिपिनिगु न्हापांगु अनलाइन बाखं मूज्या 

मिसा बाखंच्वमिपिनिगु न्हापांगु अनलाइन बाखं मूज्या 

जेठ ११ - नेपाल भाषा मिसा बाखंच्वमिपिनि न्हापांगु अनलाइन बाखं मूज्या जुगु दु  । वर्ल्ड नेवा: अर्गनाइजेसन युएसए च्याप्टरया ग्वसालय् साहित्यकार केशरमान ताम्राकारया संयोजनय् शनिबा मिसा बाखंच्वमिपिनिगु न्हापांगु अनलाइन बाखं मूज्या जुगु खः ।

मुँज्याय् डा. रीना तुलाधर , लोचनतारा तुलाधर , निजिरोश श्रेष्ठ , दिब्या ताम्राकार, रिता महर्जनं बाखं न्यंकादीगु ख: । ज्याझ्वःयात ग्वाहालि युएसए च्याप्टरया नाय प्रमेश श्रेष्ठ व युएसए च्याप्टरया सांस्कृतिक दुज वासव राजोपाध्यायं यानादिगु ख: ।

मेगु बाखं मूज्या वइगु मे ३० तारिख खुन्हू जुइगु साहित्यकार ताम्राकारं नेपालमण्डल टेलिभिजनयात जानकारी बियादिगु दु।