सर्वोच्चया फैसला: संसद पुनर्स्थापना, १३ न्हूदुने बैठक सतेत आदेश

सर्वोच्चया फैसला: संसद पुनर्स्थापना, १३ न्हूदुने बैठक सतेत आदेश

फागुन ११–  निला ताःहाकगु बहसलिपा सर्वोच्चया संवैधानिक इजलासं संसद विघटन यायेगु निर्णय बदर याःगु दु।  

प्रधानन्यायाधीश चोलेन्द्रशम्शेर जबरा, न्यायाधीशत विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल व तेजबहादुर केसीया संवैधानिक इजलासं प्रधानमन्त्री केपी शर्मा ओलीइ याःगु संसद विघटन बदर जुइगु फैसला न्यकुगु खः।

मंगलबाः सनिलय् साँझ प्रधानन्यायाधीश चोलेन्द्रशमशेर राणां न्यकादिगु आदेशय्  १३ न्हू दुने संसद अधिवेशन सतेत नं धयातगु दु।

प्रधानमन्त्री केपी शर्मा ओलीया सिफारिसय् राष्ट्रपति विद्यादेवी भण्डारीं वंगु पुस ५ गते संसद विघटन याना वैशाख १७ व २७ गते निर्वाचन घोषणा यानादिगु खः । उकियाविरुद्ध सर्वोच्चय् १३ गू रिट दर्ता जुगु खः।