पशुपति महाद्यःथाय् लुँया जलहरी तयेत क्षमापूजा शुरु

पशुपति महाद्यःथाय् लुँया जलहरी तयेत क्षमापूजा शुरु

फागुन १० - पशुपति महाद्यःथाय् दुगु ज्योतिर्लिङ्गया क्वय् लुँया जलहरी तयेन्हय् वहँया जलहरी मर्मतया लागि क्षमापूजा शुरु जुगु दु। क्षमापूूजा कसं बुधबाःतक जुइगु पशुपति क्षेत्र विकास कोषं धागु दु ।

रणबहादुर शाहया शासनकालय् तगु वहँया जलहरी जीर्ण जुया जल, पञ्चामृतलगायत पशुपतिमहाद्यःथाय् छागु हलंज्वलं ज्वःया दुनेतक थ्यनाच्वंगु दु । दँ दँ निसें यायेमफुगु जलहरी मर्मत याना उकिया च्वय् लुँया जलहरी तयेन्हय् क्षमापूजा शुरु जुगु खः। छवा दुने लुँया जलहरी तयेगु याना ज्या जुयाच्वंगु दु ।

थ्वहे दथुइ, पशुपति लागाय् सिलाचःरेया तयारी सुरु जुगु दु । न्हापा न्हापा दच्छि न्हय् हे भारतया थीथी अखडां साधुसन्त पशुपति लागाय् वइगुलिइ थुगुसिइ आःतक नं मवनिगु कोषं धागु दु। थुगुसिइ फागुन २७ गते सिलाचरे लाःगु दु।

कोरोना महामारीया कारण थुगुसिया सिलाचःरेबलय् न्हापां थें मनूत म्वः म्व मजुइगु अनुमान दुगु कोषया दुज छयाञ्जें  प्रदीप ढकालं धयादिल । अथे खसाः नं देगलय् वइपिं फुक्कं भक्तजनतयत धासाः दर्शन याकेगु याना कोषं तयारी शुरु याःगु दु । भारत व नेपाःया थीथी अखडां सिलाचःरेबलय् पशुपति वइपिं साधुसन्तया धल कोषय् न्हापांलाक्क हे थ्यनिगु खः।

कोरोना महामारीया कारण थगुने चैत ११ गतेनिसें बन्द पशुपति महाद्ययःया देग वंगु पुस १ गतेनिसें सुथसिया ६ ताईनिसें न्हिनसिया २ ताई तक चायेकुगु खः। भक्तजनतयसं न्हिच्छि हे देगः चायेकेमागु माग यानावयाच्वंगु दु।