जनबहाःद्यःया देगया पुनर्स्थापना ज्या न्ह्याःत

जनबहाःद्यःया देगया पुनर्स्थापना ज्या न्ह्याःत


फागुन १६ - येँया जनबहाःद्यःया देगया पुनर्स्थापना ज्या न्ह्याःगु दु।

साँस्कृतिक सम्पदा क्षेत्रया पुनर्निर्माणय् भारत सरकारं याःगु आर्थिक ग्वाहालिइ जनबहाःद्यःया देगया पुनर्स्थापना ज्या न्ह्याःगु खः।

आइतबाः जुगु ज्याझ्वलय् नेपाःया लागि भारतीय राजदूत विनय मोहन क्वात्रा, नेपाल सरकार राष्ट्रिय पुनर्निर्माण प्राधिकरणया प्रमुख कार्यकारी अधिकृत सुशील ज्ञवाली व येँय् महानगरपालिकाया मेयर विद्यासुन्दर शाक्यं जनबहाःद्यःया देगया संरक्षणलिसें पुनर्स्थापनाया ज्या मंकाः कथं भूमि पूजा याना शुरू यानादिगु खः।

२०७२ सालया भ्वखाचं क्षति याःगु सांस्कृतिक सम्पदातयगु संरक्षण व पुनर्स्थापनाया लागि नेपाःया प्राचीन स्मारक संरक्षण ऐन व पुरातत्व विभागं क्वःछिउगु निर्देशिका कथं जनबहाःद्यःया देगःया संरक्षण व पुनर्स्थापना जुइ।

नेपाल सरकारं अनुमोदन याःगु विस्तृत परियोजना प्रतिवेदनकथं संरक्षण व पुनस्थर्नपना यायेगु ज्याय् भारतया प्राविधिक ग्वाहालि दइ।

सांस्कृतिक सम्पदा क्षेत्रया पुनर्निर्माण यायेत भारत सरकारं तयेधागु ५.८ अर्ब तकाया  आर्थिक ग्वाहालि अन्तर्गत २८ साँस्कृतिक सम्पदा पुनर्निर्माण जुइ। उकिइ मध्ये जनबहाःद्यःया देग न्हापांगु खः। थुपिं फुक्कं २८ साँस्कृतिक सम्पदा क्षेत्रत नेपाल सरकारं पहिचान याःगु खः। सन् २०१७ अगस्टय् साँस्कृतिक सम्पदात पुनर्निर्माण यायेत  नेपाल सरकार व भारत सरकारदथुइ सम्झौतापतिइ ल्हांचिं तयेगु ज्या जुगु खः।