थौं कछलाथ्व पुन्हि, सकिमिला पुन्हि

थौं कछलाथ्व पुन्हि, सकिमिला पुन्हि
सामाजिक संजाल

मंसिर १५ - थौं कछलाथ्व पुन्हि, हिसकि नया: सकिमिला पुन्हि हनाच्वंगु दु। दँयदँसं सकिमिला पुन्हिखुनु चाकुहि व सकि नयगु चलन दु।

सकिमिला पुन्हिखुनु थौं त्वा:त्वालय् हलिमलि ब्वयगु चलन नं दु। त्वा:त्वालय् नारान्द्य:, गणेद्य: कलश च्वया: क:नि, मुस्या, छ्व, बकुला:, बरां, चाना, कयगू लिसें चाकुहि, सकि, लैं तया: हलिमलि ब्वयगु चलन दु। थनिनिसें  कात्ति सेवा नं क्वचाइगु खः।

थौं स्वनिगःया थी थी थासय् थी थी द्यः जात्रा जुइगु दिं खः। येँया थक्वातय् महालक्ष्मीलिसें  गणेद्यः, भैरःद्यः आदिनारायणया  जात्रा, चाबहीया चन्द्रविनायक व भैराद्यःया नं जात्रा, बुंगया मच्छिन्द्रबहालय् न्हिच्छिं दाफा भजन थाइगु  लगायत जुइगु खः।

थुगुसिइ कोरोना भाइरसया महामारीया कारण फुुक्कं जात्रा औपचारिकताय् जक सिमित याना मजिमगा:गु विधि जक जुयाच्वंगु दु ।