लगला सप्तमी, सक्वय् हाकनं दुदनिगु

लगला सप्तमी, सक्वय् हाकनं दुदनिगु

फागुन ६ - लगला सप्तमी कन्हय् , सक्वय् न्ह्यानाच्वंगु लच्छि ताःहाकःगु माधवनारायणया धलया झवलय् धलं दनाच्वपिं मिजतयसं नारी खुसि निसे सरस्वतीदेग दुगु ठाय् तक दुदनेत्यगु दु।  

दुदने वनेगु धकाः धलदनाच्वपिं मिजत लँधुछि ग्वारातुलाः थःगु म्हं गुलि थाय् काइगु खः, उकिइ ल्वहँतं चिं तयाः कापः लथ्याःथें यानाः सरस्वतीदेग दुगु ठाय् तक थ्यकवनिगु खः। थथे याइबलय् सहस्त्रधारा हायेका सच्छि व च्यागू ठासय जल हायेकेमागु परम्परा दु।

कन्हय् न्हिनय् धलदनाच्वपिं मिजतयसं नारी खुसि निसे सरस्वतीदेग दुगु ठाय् तक दुदना वनिगु श्रीमाधवनाराय स्वस्थानी व्रत व्यवस्थापन समितिइ धागु दु। थ्वया न्हय् न नारी खुसिनिसें म्हासुख्वाः माजुतक दुदगु खः।

थुगुसि ४९ म्हसियां सक्वया लच्छि ताःहाकःगु स्वस्थानी धलं दनाच्वंगु दुसा वइगु फागुन १५ गते धल क्वचाचाइ, १६ गते मीगाः पुजा याइगु धार्मिक ज्याझवः दु।