सोह्रश्राद्ध थनिंनिसें न्ह्याःत

सोह्रश्राद्ध थनिंनिसें न्ह्याःत


असोज ५ - थाैं यंलागा पारू  झिंखुन्हुतक जुइगु सोह्रश्राद्ध थनिंनिसें न्ह्याःगु दु ।

पारुखुनुनिसें झिंखुगू तिथिमध्ये गुगु तिथिइ मदुगु खः, वखुनु हे सोह्रश्राद्ध यायेगु चलन दु। यंलागा पारुनिसें यंलागा औंसीतकया सोह्रश्राद्ध याइगु खः । पर्व तिथिया झ्वलय् याइगु श्राद्ध जूगुलिं थुकियात पारवन वा महालय श्राद्ध नं धायेगु याः। थ्व पक्षय् श्राद्ध याइम्हेस्या पितृ दच्छिन्यंक हे तृप्त जुइ धइगु शास्त्रीय मान्यता दु ।

तःधंगु नखः मोहनि, स्वन्ति  हने न्ह्यो पितृयात श्रद्धापूर्वक लुमंकेगु वैदिक सनातनी परम्पराकथं सोह्रश्राद्ध याइगु परम्परा दु।