बागमती प्रदेश सांसद शोभा शाक्ययात कोरोना

बागमती प्रदेश सांसद शोभा शाक्ययात कोरोना

मंसिर ५ - बागमती प्रदेश सांसदलिसें साझा पार्टीया केन्द्रीय दुजः शोभा शाक्ययात लक्षणसहितया कोरोना संक्रमण जुगु दु।

थःयात किजापूजा मंसीर १ गते बहनीनिसें ज्वर वगु व कन्हय् खुन्हू अल्का अस्पतालय् स्वाव परिक्षण जुगुलिइ मंसिर ३ गते पोजिटिभ वगु वयकलं नेपालमण्डल टेलिभिजनलिसें खँ ल्हायेगु झ्वलय् धयादिल। 

थःलिसें नेपालसम्वतया न्हूदँया ज्याझ्वलय् सतिक्क स्वापू दुपिं सकलसित थःगु स्वास्थ्य स्थितिबारे सचेत जुइत वयकलं इनाप यानादिल। सांसद शाक्य थःगु हे छेँय् आइशोलेसनय् च्वनाच्वनादिगु दु।