नेसनल जिओग्राफिक सोसाइटीया इमर्जिङ एक्स्प्लोरर सोनिका मानन्धर

नेसनल जिओग्राफिक सोसाइटीया  इमर्जिङ एक्स्प्लोरर  सोनिका मानन्धर

असोज १९ - नेसनल जिओग्राफिक सोसाइटीइ नेपाःया सोनिका मानन्धरनापं विश्वया  ८ म्ह युवातयत ‘इमर्जिङ एक्स्प्लोरर’ या रुपय् ल्यगु दु।

इमर्जिङ एक्स्प्लोररया विशेषता 

नेसनल जिओग्राफिकं थःगु क्षेत्रय् प्रभावकारी व रुपान्तरणकारी ज्या यापिं व्यक्तितयत ल्यइगु खः। सन् २०१७ निसें  सुरु जुगु थुगु सिरपां दँय् दसं वातावरणीय परिवर्तनसम्बन्धी हलिन्यकं छनौटय् लापिं युवा उद्यमीत बिइगु खः। विजेतां थःगु उद्यमशीलता विस्तारया लागि १० द्वः अमेरिकी डलर सिड फन्ड  सहायता प्राप्त याइ।

 

सोनिका मानन्धर गुकथं चयनय् लात

सोनिका मानन्धरं वातावरणमैत्री लघु उद्यमया लागि वित्तीय परियोजनाय् ज्या याइगु कम्पनी एलोइ टेक्नोलोजीया सहसंस्थापक खसाः वयक उगु कम्पनीया प्रमुख प्राविधिक अधिकृत नं जुयादिइ। सोनिका पेशां कम्प्युटर इन्जिनियर खः।

वयकलं कम शिक्षा कयातपिं मनूतयगु पहुँच जुइगु प्रविधि विकास यायेत स्वयाच्वनादिगु दु।सन् २०१९ य् वयक  संयुक्त राष्ट्र संघया वातावरण कार्यक्रमं आयोजना यागु योङ च्याम्पियन अफ द अर्थय् छनोट जुयादिगु खः।

एलोइ टेक्नोलोजीया ज्या

क्यानाडेली नागरिक टिफनी टङलिसें जाना २ दँ न्हय् वयकलं कम्पनी स्थापना यानादिगु खः। थुगु कम्पनी सफा टेम्पोया मिसापिं चालकतयगु लागि वित्तीय परियोजना सञ्चानल यानावयाच्वगु दु। मिसापिं चालकतयत कम पुँजीइ सवारी साधनया थुवा दयेकेगु थुगु कम्पनीया उद्देश्य दु। थ्व कम्पनीइ सफा टेम्पोया मिसापिं चालकनापं वातावरणमैत्री ज्या याइगु मेमेगु उद्यमया लागि नं ज्या यानाच्वगु दु।

‘नेसनल जिओग्राफिकं इमर्जिङ एक्स्प्लोरर ल्यःगु धइगु थःगु कम्पनी यानावयाच्वगु ज्यां विश्वव्यापी मान्यता कागु खः धकाः सोनिकां धयादिल।