ओकुबहालय् विशेष कला प्रदर्शनी

ओकुबहालय् विशेष कला प्रदर्शनी


असोज ११ - पर्यटन दिवसया झ्वलय् यलय् विशेष कला प्रदर्शनी शुरू जूगु दु। यल महानगरपालिका हस्तकला प्रवर्द्धन समिति  व पर्यटन प्रवर्द्धन समिति वडा ल्याः ६ या ग्वसालय् विशेष कला प्रदर्शनी ओकुबहालय् शुरू जूगु खः।

विशेष कला प्रदर्शनीइ मदयेधुक्कुपिं सिद्धहस्त, मूर्धन्य कलाकारतय्गु दुर्लभ शास्त्रीय कला, ६० दँ च्वय्यापिं वरिष्ठ कलाकारतय्गु शास्त्रीय कलाकृतिलिसें लोपोन्मुख दैनिक जीवनलिसें प्रेरित रेखा चित्रकला तयातःगु दु।

लोपोन्मुख प्रविधि, पैराणिक एतिहासिक कला, संस्कृति लिसें जीर्ण सम्पदातय्गु संरक्षण, जीर्णोद्धार लिसें विकास योजना तर्जुमा यायेत ग्वाहालि जुइमाः धकाः मेला यानागु धकाः मेलाया प्रचार प्रसार कजिलिसें नेपाल ललितकला प्रज्ञा प्रतिष्ठानया प्राज्ञ धर्मराज शाक्यं धयादिल।

थाैं सोमबाः शुरू जूगु कला प्रदर्शनी कसंतक जुइ।