कन्हेया मेगु भयाबह
- सुनिल बज्राचार्य
Nepal Mandal TV 
कोरोनाया संक्रमणय् मनुत पूर्ण रुपं फ्री जुगु दु ।
फ्री जुलकी हे खः मनूया नुगलय म्वाम्वागु खं दासी वैगु ।
- म्वाम्वागु खं मनूतयगु नुगलय् शंका भयबिइ
- शंकां गलत निर्णय याइ
- गलत निर्णयलं नकारात्मकता उच्च बिन्दुइ थ्यंका बिइ
- नकारात्मकता हावी जुलकी बिश्वास तनी
- बिश्वास तनकी जिन्दगी ख्यूंया बिइ
- ख्यूंगु जिन्दगी ब्यर्थ जुइ
- अले लुमंसे वल मनुतयगु म्हिगःया ब्यस्त इलयया खं
" तसकं हे ब्यस्त छुं हे याय मफू का "
कोरोनां थुइका बिल फ्री जुलकी मनूतयसं झन छुं हे याय् मफैगु खनी । जव झीपीं म्हिगः ब्यस्त जुया च्वना कमसे कम झीसं छुं ला छुं याना च्वनागु खतः । कोरोनां छुं याके मबिल । उकिया अखः मनूतयके तच्वया च्वन त्रास । जिं लुमंका च्वना । जिं थुइका च्वना । कोरोना लिसे ला झीपीं न्ह्यात्थी याना सां ल्वाय् । तर अनं लिपाः वैगु आर्थिक मन्दीं कोरोना सिवें लखौं गुणा पिडा झीतः बिइ तिनी ।
धात्थें,
- कोरोना देशय् तच्वया वन
- कोराेना संक्रमितत अप्वया वन
- हरेक बस्तीइ कोरोनाया ल्वगीत लुयावल
- सेल्फ आइसोलेसनय् आपलं मनूत च्वने माला वन
- कोरोनां झन त्रसित यायगु यात
- कोरोना गुकथं गथे सरे जुइ थ्वः शंकास्पद जुजुं वन
- बुखं त वयाच्वन , चुम्वनं कोरोना सरे जुइफू
- सुचं त पिदना च्वन , आलिंगनं नं सरे जुइफू
बैज्ञानिकत,
- कोराना बिरुद्व खोपया आबिष्कारय् सफल जुल
- बुलुहुं बुलुहुं कोरोना निर्मूल जुजुं वन
- कोरोना पूर्ण रुपं उन्मूलन नं जुल
- देशं देशय् बिजयोत्सव न्यात
कोरोनाया भयावह तना वनं तर मेगु आतंकया जन्म जुल। कोरोना लिपा बस्ती बस्तीइ मनूतयके नकारात्मक सोचाइ चक्कना वन । अथें आर्थक मन्दी दुगु हे खतः। आ छता मेगु न्हुगु हे प्रबृत्तिया जन्म जुल।
व खः -" शंका "
खः , कोरानाया उन्मूलन लिपा,
- जिम्ह भात याके गथे कोरोना दत
- जिम्ह कला याके गथे कोरोना थात
- थ्वः न्ह्यसः चिं नुगलय् ब्वलन । समाजय् बस्तीइ नगरय् शिक्षितपिं सभ्यपिं समझदारपिनिगु नुगलय् नं गलत सोचं हाः काल । अले अनुमान यात ।
- पक्कां नं जिम्ह भात सुं मिसा लिसे नजिक जुल जुइ
- जिम्ह कला गैर मनु लिसे सतिक्क च्वन जुइ
खः थुजोगु थुजोगु हे अनुमानं हरेक छेंय् अशान्त पिज्वल । हरेक दिं या थ्वः अब्यवहारिक घटनाक्रमं कोराेना लिपाः छताः मेगु भयाबह भाइरस चक्कनां वन -
" डिभोर्स "
