सुर्द्य लुबलय् दुगु तिथियात न्हिच्छिया तिथि काइिपन्स थाै लक्ष्मीपुजा याइगु

म्हिगः लक्ष्मीपुजायापिनिगु थाैं म्हपुजा

सुर्द्य लुबलय् दुगु तिथियात न्हिच्छिया तिथि काइिपन्स थाै लक्ष्मीपुजा याइगु

कार्तिक ३० - थौं कौलागा अमाई, सुर्द्य लुगु तिथियात हे न्हिच्छिया तिथिकाइपिन्स सुथन्हापनं लक्ष्मीद्य: दुकागु दु।

नेवा: परम्पराकथं सुथन्हापनं पिखालखुं लक्ष्मीद्य:या पुजा याना: छेँय् धुकू वा आगमय् लक्ष्मीद्य:याथाय् तक साला ह:गु ख:। सुथय् लक्ष्मीद्य: दुकायधुंका: सनिलय् नं छेँज:पिं सकलें जाना: त:जिक लक्ष्मीद्य:या पुजा जुइ। थनिंनिसें निन्हुतक थीथी घासा, मरिचरि, ग्वा: लिसें मसला सहित लक्ष्मीद्य:यात भ्वय्‌ब्व छाना: पुजा यानातइ। सनिलय् मूलुखाःनिसें लक्ष्मी पुजा याइगु कोठा तक बँ थिला पोताय् व अबिरं मन्द च्वया लक्ष्मीद्यःया पलाःख्वांय् देयकाः पाल्चा च्याकिगु चलन दु। दीपावली याना च्वगु इलय्  तिसाः, धिबा, वा, जाकि, फलफूल, मरि चरि व स्वाँमाः तया लक्ष्मीया मूर्ति वा किपातय् पूजा याइ।

लक्ष्मीद्य:ब्वयात किजापुजा सर्खुनु क्वकया प्रसादकथं छेँज:पिं सकलें व बियाछ्वयधुंकूपिं म्ह्यायमस्तयत नं स:ता नकेगु चलन दु। दच्छिया दकलय् लिपांगु दिं जूगुलिं व्यापार व्यवसाय याइपिन्सं थौं हे दच्छिया ल्या:चा: तयगु चलन नं दु। कन्हय् न्हूदँ खुनुंनिसें न्हू ल्या:चा: सुरु यायत थौं हे दच्छिया ल्या:चा: क्वचायकेगु चलन दु।

अथेहे थुगुसिया तिथी निन्हू क्यगुलिइ म्हिगः लक्ष्मी पुजा यापिन्स थौ  म्हपुजा यायत्यंगु दु। दच्छियंकं थीथी समस्या, पंग: लिसें ल्वययात पार यायफुगु व वइगु दँ नं सुथांलायमा धैगु भिंतुसें नेवा:तयसं कछलाथ्व पारूखुनु थम्हं थ:यात हे पुज्यायगु चलन दु। सकल छेँज:पिं मुना: कायमन्द:या न्ह्य:ने धलं दनेगु चलन दु। परिवारया थकालिम्ह मिसादुज:या ल्हातं ख्येँय्‌सगं कया: दच्छियंकं सुख सम्वृद्धि व भिंउसाँय्‌या कामना यासे म्हपुजा याइगु ख:।