लक्ष्मीद्य: क्वकया: स्वन्ति क्वचाल

लक्ष्मीद्य: क्वकया: स्वन्ति क्वचाल

मंसिर ३ - नेवा:तयसं थौं सुथय् लक्ष्मीद्य: क्वकया: स्वन्तिनख: क्वचायेकुगु दु।

दँयदँसं कौलागा: अमाईखुनु छेँय् छेँय् लक्ष्मीद्य:यात विशेष पुजा सहित देछा:गु भ्वय् ब्वयात किजापुजा कन्हय् खुन्हू क्वकया: उकियात प्रसादकथं नयगु चलन दु। सुथय् लक्ष्मीद्य:यात पुज्याना: लक्ष्मीद्य:या भ्वयब्व सकल छेँज:पिनि इना: नइगु ख:। म्हीगः किजापुजा यापिन्स म्हिग लक्ष्मी द्यः क्वकागु खः । थनिंनिसें स्वन्ति नख: नं औपचारिक रूपं क्वचा:गु दु।

उखे, स्वन्ति क्वचायवं बजा: व सतकय् चहल पहल नं अप्व:गु दु। स्वन्तिया लागिं बन्द जूगु सरकारी ज्याकूत नं थनिंनिसें चागु दु। नेवा: समुदायया इनापय् किजापुजाया लागिं सरकारं म्हिग: नं सार्वजनिक बिदा ब्यूगुलिं थनिंनिसें तिनि सरकारी ज्याकू चा:गु ख:।