थौ विश्व टेलिभिजन दिवस

थौ विश्व टेलिभिजन दिवस

मंसिर ६ - थौ विश्व टेलिभिजन दिवस ।

सन् १९९६ या १७ डिसेम्बरय् च्वंगु संयुक्त राष्ट्रसंघया महासभा बैठकं दँय् दँसं २१ नोभेम्बर खुन्हू विश्वभर टेलिभिजन दिवस हनेगु निर्णय याकथं थौया दिनय् थ्व दिवस हनावयाच्वगु खः । सन् १९३० या दशकय् प्रसारण शुरु जुगु टेलिभिजन प्रविधियात आः दकलें सशक्त सञ्चारया माध्यम कथं कयातगु दु।

टेलिभिजनया इतिहासय् सन् १९३६ नोभेम्बर २ तारिखनिसें बीबीसीलइ नियमित प्रशारण यागु खः । सन् १९५४ निसें रंगिन टेलिभिजनया विकास जुया रंगीन दृष्य स्वयेफइगु अवस्था वंगु खः। सन् १९७० या दशकय् विश्वया ६० गू देशय् टेलिभिजनया प्रत्यक्ष सेवा विस्तार जुगु खः ।

नेपालय् धासाः सन् १९७० ताका टेलिभिजनया सेट दुहाँवगु खः।

२०४१ साल माघ १७ गते नेपाल टेलिभिजन स्थापना जुगु खःसाः आदिवासी टेलिभिजिनया रुपय् दकले न्हापां २०६८ सालया योमरी पून्हिखुन्हू नेपालमण्डल टेलिभिजन शुरु जुगु खः।

अबले निसें नेवाःतयगु तजिलजि, लहना, कला, संस्कृति लगायतया ज्याझ्वःत उत्पादन याना प्रचारप्रसार, प्रवद्धन यायेत थुगु टेलिभिजनं उल्लेखनीय भूमिका म्हितावयाच्वंगु दु।  

नेपालय् थुथाय् २ दर्जनं मल्याक टेलिभिजन च्यानलत नियमित प्रसारण जुयाच्वंगु दु ।