तोखाय् टिप्पर व मोटरसाइकल न्याना छम्ह सित

तोखाय् टिप्पर व मोटरसाइकल न्याना छम्ह सित

माघ ९ -  येँया तोखा नगरपालिका-३ य् टिप्पर व मोटरसाइकल न्याना छम्ह सिगु दु। 

बा ४ ख ३१०७ ल्याःया टिप्पर व वाग्मती प्रदेश ०२ ०२२ प २०४२ ल्याःया मोटरसाइकल न्याना मोटरसाइकल चालक गोङ्गबुया १७ दँया सञ्जीव महर्जन सिगु महानगरीय ट्राफिक प्रहरी महाशाखां धागु दु। 

महाशाखाया कथं महर्जन वासःया झ्वलय्  शिक्षण अस्पतालय् सिगु खः। टिप्पर चालकयात प्रहरीइ नियन्त्रणय् कयातगु दु।