येँय् असोज ४ गतेनिसें भेरोसेलया निगूगु डोज बिइगु

येँय् असोज ४ गतेनिसें भेरोसेलया निगूगु डोज बिइगु


असोज १ -   येँय् जिल्लाय् असोज ४ गतेनिसें चिनियाँ खोप भेरोसेलया निगूगु डोज बिइत्यगु दु। न्हापांगू डोज कापिंन्त ३ न्हूतक चिनियाँ खोप भेरोसेलया  निगूगु डोज बिइगु स्वास्थ्य मन्त्रालयं धागु दु।

स्वास्थ्य निर्देशनालयया कथं येँय महानगरपालिकाया ३२ गुलिं वडाय् खोप बिइत्यगु दु। अथेहे कीपू नगरपालिकाय् १० ठासय् निगूगु डोज बिइसाः चन्द्रागिरि नगरपालिकाय् १५ ठासय् चिनियाँ खोप बिइ।

नागार्जुन नगरपालिकाया १० ठाय्,  तार्केश्वर नगरपालिकाया ११, दक्षिणकाली नगरपालिकाया ९, बुढानीलकण्ठ नगरपालिकाया १३, टोखा नगरपालिकाया ११, गोकर्णेश्वर नगरपालिकाया ९, शंकरापुर नगरपालिकाया ९ व कागेश्वरी मनोहरा नगरपालिकाया ९ ठासय् भेरोसेलया निगूगु डोज खोप बिइगु मन्त्रालयया स्वास्थ्य निर्देशनालयं धागु दु।

मन्त्रालयया कथं येँय् महानगरपालिकाया हकय् नेपाल प्रहरी अस्पताल, महाराजगञ्‍ज, शसस्त्र प्रहरी अस्पताल, बलम्बु, बीर अस्पताल, रत्नपार्क, शिक्षण अस्पताल, महाराजगञ्‍ज, निजामती कर्मचारी अस्पताल बानेश्‍वर, परोपकार प्रसूतीगृह, स्त्रीरोग अस्पताल, थापाथली व वीरेन्द्र सैनिक अस्पताल, छाउनीइ खोप केन्द्र  तयातःगु दु।