थनिनिसें देयन्यकं भेरोसेल खोप वितरण

थनिनिसें देयन्यकं भेरोसेल खोप वितरण


असोज ४ - सरकारं थनिनिसें देयन्यकं भेरोसेल खोप वितरण याःगु दु । चीनं न्याःना हःगु ४० लख डोज कोभिड १९ विरुद्धया भेरोसेल खोप देयन्यकं हे वितरण याःगु खः ।

थुकिया लागि ठाय्कथं  लक्षित समूहया वर्गिकरण याःगु दु। स्वास्थ्य मन्त्रालयया कथं येँय् ,यल, मकवानपुर, रामेछाप, सर्लाही व अछामय् ४० दँ च्वय्यापिं फुक्कं नागरिकयात खोप बिइ। थुपिं जिल्लाय् खोप कायेत्वफिउपिं ब्वमितय्त नं खोप बिइगु मन्त्रालयं धागु दु। मनाङ, मुस्ताङ व रुकुम पूर्वबाहेक ५५ जिल्लाय् धासाः ४५ दँ च्वय्यापिं फुक्कं नागरिकयात खोप बिइ । स्वास्थ्य मन्त्रालयया कथं ताप्लेजुङ, शंखुवासभा, सोलुखुम्बु, रसुवा, जुम्ला, मुगु, हुम्ला, डोल्पा, बाजुरा व दार्चुला जिल्लाय् १८ दँ च्वय्यापिं खोप कायेल्यदनिपिं फुक्क नागरिकयात खोप बिइ। काभ्रे व चितवनय् धासाः ३५ दँ च्वय्यापिं फुक्कं नागरिक व १८ दँ च्वय्यापिं खोप कायेत्वफिउपिं ब्वमितय्त बिइ ।

फुक्कं जिल्लाय् खोप कायेत्वफिउपिं १८ दँ च्वय्यापिं ब्वमितयत प्राथमिकताय् तइ। थनिनिसें सुरु खोप अभियान वइगु  १४ गतेतक न्ह्याइ। आः न्हापांगु डोज कापिन्त वइगु कार्तिक ४ गतेनिसें १४ गतेतक निगूगु डोज खोप बिइगु धकाः नं स्वास्थ्य मन्त्रालयं धागु दु।