१२ तगिंया जाँच न्हय् ब्वमितय्त खोप बिइत सुझाव

१२ तगिंया जाँच न्हय्  ब्वमितय्त खोप बिइत सुझाव


साउन १३ - संसदया शिक्षा तथा स्वास्थ्य समितिइ १२ तगिंया ब्वमितय्त जाँच न्हय्  खोप बिइत सरकारयात सुझाव ब्यूगु दु।

समिति सभापति जयपुरी घर्तीइ बैठकया निर्णय न्यकुसें जाँच बिइत्यपिं ब्वमितय्त जाँच न्हय् खोप बिइफूसाः पहल यायेत सरकारयात समितिया सुझाव दु धयादिल।

१२ तगिंया जाँच लगायतया थीथी विषयलय् संसदीय समितिइ बुधबाः शिक्षा, विज्ञान तथा प्रविधि मन्त्रालयया अधिकारीतलिसें सहलह याःगु खः ।

समितिइ जाँच बिइ न्हय् कोरोना परीक्षण यायेत व कोरोना संक्रमण जुया जाँच बिइमफूसाः निगूगु चरणय् बिइ दइगु व्यवस्था यायेत निर्देशन ब्यूगु खः।

१२ तगिंया ब्वमितय्सं थुगुसिइ होम सेन्टरं जाँच बिइखनिसाः जाँच साउन ३१ गतेनिसें सुरु जुइत्यगु दु।