६ दँया मिसा मचायात स्याःगु द्धपनय् १९ दँया मिसायात ज्वन

६ दँया मिसा मचायात स्याःगु द्धपनय्  १९ दँया मिसायात ज्वन


मंसिर २४ - खुदँया मिसा मचायात स्याःगु द्धपनय् नुवाकोटया किस्पाङ गाउँपालिका–५ या १९ दँया सपना तामाङयात ज्वगु दु।

रसुवाया कालिका गाउँपालिका–१ फैलिगाङया मचा सुमिना तामाङयात अपहरण याना स्याःगु सपना तामाङयात द्धप बियातगु दु। आइतबाःनिसें तनाच्वम्ह मचाया म्हिगः न्हिनय् सिम्ह लुगु खः।आइतबाः सुथय् स्कुल वम्ह मचा बहनीतक छेँय् लिहाँमवसेलिइ परिवारं माःगु खः। परिचय सिइमुदम्ह छम्ह मिसां मचायात यंकुगु हल्ला फैले जुसेलिइ मचाया परिवारं अस्थायी प्रहरीचौकी ग्राङय् उजुरी ब्यूगु खः।

तामाङं मचायात अपहरण याना स्याःगु जुइफुगु  तर अनुसन्धानलिपा जक थथे हे खः धकाः धायेफइगु प्रहरी नायब उपरीक्षक इन्द्र सुवेदीइ धयादिल।